پلاستيك ىدىستارمەن سۋسىن، سۋ جانە تاماق ءىشۋ ءبىز ءمان بەرمەيتىن قاۋىپكە اكەلۋى مۇمكىن
Environment International عىلىمي جۋرنالىندا جاريالانعان زەرتتەۋگە 22 انونيم دونور قاتىسقان. ولاردىڭ جارتىسىنىڭ قانىنان سۋسىندارعا ارنالعان بوتەلكەلەر وندىرىسىندە قولدانىلاتىن پەت-پلاستيك تابىلدى، دەپ حابارلايدى Almaty-akshamy.kz
ۇلگىلەردىڭ ۇشتەن بىرىندە پوليستيرول بار ەكەنى انىقتالعان، بۇدان تاعام قاپتامالارى دايىندالادى.
«پلاستيك بولشەكتەرى قان قۇرامىندا بولىپ، بۇكىل دەنەگە تارايدى»، – دەيدى زەرتتەۋ اۆتورلارىنىڭ ءبىرى، ەكوتوكسيكولوگ ديك ۆەتحااك.
زەرتتەۋشىلەردىڭ پىكىرىنشە، قانداعى ميكروپلاستيكتىڭ دەنساۋلىققا زيانى بەسەنەدەن بەلگىلى: ولار ادام جاسۋشالارىنا زيان كەلتىرىپ، اللەرگيالىق رەاكسيا تۋدىرادى جانە جاسۋشالاردى تولىعىمەن ولتىرەدى.
ۆەتحااك سونداي-اق سابيلەر مەن بالالاردىڭ حيميكاتپەن ۋلانۋعا كوبىرەك بەيىم بولاتىنىن ايتتى. زەرتتەۋلەرگە سۇيەنسەك، پلاستيك بوتەلكەدەگى ءسۇت قوسپاسىمەن تاماقتاندىرعان سابيلەر كۇنىنە ميكروپلاستيكتىڭ ميلليونداعان بولشەگىن جۇتادى. بالالاردىڭ ەكسكرەمەنتتەرىندە ەرەسەكتەردىكىنە قاراعاندا ميكروپلاستيك سانى الدەقايدا كوبىرەك بولعان.