قىلمىستىق توپتىڭ قۇرامىندا بولعان بەس ادام الماتى وبلىسى مەن شىعىس قازاقستان وبلىسىنان كەلگەندەر، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قاسكويلەر «ىسكە» جۇپقا ءبولىنىپ باردى. كومپيۋتەرلىك كلۋبتا ورىن العان ۇرلىقتىڭ ءبىرى بەينەباقىلاۋ كامەرالارىنىڭ وبەكتيۆىنە ءتۇسىپ قالعان. ايىپتالۋشىلاردىڭ ءاربىر قادامى: تەرەزەنى سىندىرۋدان باستاپ، اقشا مەن ۇيالى تەلەفون ۇرلاعاندارىنا دەيىن جازىلعان. جەدەل ىزدەستىرۋ ءىس-شارالارى بارىسىندا ءبىزدىڭ بولىمشەنىڭ كريمينالدىق پوليسيا ءبولىمىنىڭ قىزمەتكەرلەرى پوليسيانىڭ ارنايى جاساقتارىنىڭ كومەگىمەن توپتىڭ بارلىق مۇشەلەرىن جانە ۇرلانعان تاۋاردى ساتىپ الۋشىنى ۇستادى. انىقتالعانداي، ول تەك ويىن پريستاۆكالارىنا قىزىعۋشىلىق تانىتقان. بۇل جاعدايدا سۇرانىس ۇسىنىستى تۋدىردى. العان ولجانىڭ ءساتتى ساتىلاتىنىن انىق بىلگەن ۇرىلار تەك كومپيۋتەرلىك كلۋبتاردى توناپ جۇرگەن»، – دەيدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
ۇستالعانداردىڭ ءارقايسىسىنىڭ بۇرىن قىلمىس جاساعانى جانە قىلمىستىق كودەكستىڭ ءارتۇرلى باپتارى بويىنشا سوتتالعاندىعى بەلگىلى بولدى. قازىرگى ۋاقىتتا كۇدىكتىلەردىڭ ەكى ۇرلىققا قاتىستىلىعى دالەلدەندى. ۇستالعاندارعا ايىپ تاعىلدى.
پوليسيا قىزمەتكەرلەرى ولاردىڭ بۇرىن-سوڭدى جاسالعان وسىعان ۇقساس قىلمىستارعا قاتىسى بار-جوعىن تەكسەرىپ جاتىر.