مەكتەپتەگى تۇسكى اس ماسەلەسىنە وزگەرىس ەندى

ەندى بالالارعا تۇسكى استى ۇيىنەن الىپ كەلۋگە بولادى

وسىعان بايلانىستى ەلورداداعى ءبىلىم وشاقتارى توڭازتقىش، جىلىتقىش سىندى قۇرىلعىلارمەن جابدىقتالىپ جاتىر. جاڭا ەرەجەگە بارلىق مەكتەپتەر بەيىمدەلىپ ۇلگەردى مە؟ 

سايدا 8 سىنىپتا وقيدى. بەس جىل بويى گيمناستيكامەن جانە بيمەن اينالىسىپ ءجۇر. سالاۋاتتى ءومىر سالتىن ۇستانىپ، دۇرىس تاماقتانۋدى قولعا العان. وقۋشىنىڭ تۇسكى اس مازىرىنە تەك قايناتىلعان تاعامدار، كوكونىس، جەمىس جانە اقۋىز كىرەدى. مەكتەپكە ۇيدەن اكەلەتىن تاماققا شەكتەۋ جوق. بالالاردىڭ تۇسكى اسى تەكسەرىلمەيدى. سەبەبى ونى اتا-انالار وقۋشىنىڭ تالعامىنا ساي سالىپ بەرەدى.

- بۇل باستاما نەگىزىنەن دەنساۋلىعىنا بايلانىستى بەلگىلى ءبىر ديەتانى قاجەت ەتەتىن بالالارعا ارنالعان. الەمنىڭ كوپتەگەن ەلدەرىندە بالالار مەكتەپكە تۇسكى استى ۇيىنەن الىپ كەلەدى. وسىعان بايلانىستى ءبىز مەكتەپتەگى تۇسكى اس ماسەلەسىنە وزگەرىس ەنگىزدىك. ەندى وقۋشىلار وزدەرىنىڭ تاماقتارىن اسحانادا وتىرىپ ىشۋگە قۇقىلى، - دەيدى  ق ر وقۋ-اعارتۋ مينيسترلىگى بالالاردى الەۋمەتتىك-قۇقىقتىق قورعاۋ باسقارماسىنىڭ باسشىسى دانا ماقتايەۆا.

كوپ ۇزاماي ەلدەگى مەكتەپتەردىڭ بارلىعى جاڭا ەرەجەگە بەيىمدەلەدى. اسحانالار دا جۇمىسىن جالعاستىرا بەرەدى. سوندىقتان بالاعا تۇسكى اس بەرۋ نەمەسە تۇسكى استىڭ اقشاسىن بەرۋدى اتا-انانىڭ ءوزى شەشەدى.