ۇستالعان الاياق قاماۋعا الىندى.
الماتىدا پوليسيا قىزمەتكەرلەرى كەزەكتى الاياقتى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
مەدەۋ اۋداندىق پوليسيا باسقارماسىندا سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190-بابى 3-بولىگىنىڭ 1-تارماعىنا سايكەس 33 جاستاعى ب.ەسىمدى ازاماتقا قاتىستى قىلمىستىق ءىس تىركەلدى.
تەرگەۋشىلەر انىقتاعانداي، جاس جىگىت پاتەرلەردى جوندەۋ تۋرالى جارناما بەرگەن. الەۋەتتى تۇتىنۋشى حابارلاسقان كەزدە، كۇدىكتى ارلەۋ جۇمىستارى باستالعانعا دەيىن قۇرىلىس ماتەريالدارىن ساتىپ الۋ ءۇشىن الدىن الا تولەم سۇرادى. اقشانى العاننان كەيىن بەلگىسىز باعىتتا جاسىرىنىپ قالعان.
«جەدەل ءىس-شارالار بارىسىندا كۇدىكتى ۇستالدى. ءىستى قاراۋ بارىسىندا ب.ەسىمدى ازاماتتىڭ 3 ەپيزودتى جاساعاندىعى بەلگىلى بولدى. ول ءوز ىس-ارەكەتىن مويىندادى. ونى بۇرىن جاسالعان وسىعان ۇقساس قىلمىستارعا قاتىسى بار-جوعىنا تەكسەرۋدە»، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.
الدىن الا تەرگەۋ بارىسىندا ۇستالعان ادامعا قاتىستى قاماۋعا الۋ تۇرىندەگى بۇلتارتپاۋ شاراسى تاڭدالىپ، ۋاقىتشا ۇستاۋ يزولياتورىنا قامالدى.