22 جاستاعى جىگىتتىڭ الاياقتىق ارەكەتىنەن كەم دەگەندە بەس ادام زارداپ شەككەن.
ول الداۋدىڭ قاراپايىم تىزبەگىن ويلاپ تاپقان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ي.ەسىمدى ازامات الداۋدىڭ قاراپايىم تىزبەگىن ويلاپ تاپقان. جاس جىگىت بىرنەشە كۇنگە پاتەر جالداپ، ونى بىردەن سۋرەتكە ءتۇسىرىپ، ۇزاق ۋاقىتقا پاتەردى جالعا بەرەتىنى تۋرالى ينتەرنەتكە حابارلاندىرۋ جاريالادى. الەۋەتتى كليەنتتەرگە مامىلە جاساماي، تولەمدى الدىن الا ءبىر ايعا الا وتىرىپ، پاتەردى “جالعا بەرگەن”. وسى قىلمىستاردى جاساعان كۇدىكتى ۇستالدى. ق ر قك-نىڭ 190-بابى (الاياقتىق) بويىنشا قىلمىستىق ءىس تىركەلدى. سوتقا دەيىنگى تەرگەۋ بارىسىندا ونىڭ بەس بىردەي ەپيزودقا قاتىسى بار ەكەنى انىقتالدى. قازىرگى ۋاقىتتا باسقا دا جابىرلەنۋشىلەر انىقتالىپ، قوسىمشا تەرگەۋ شارالارى جۇرگىزىلىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.