المالى اۋدانى تۇرعىندارىمەن كەزدەسۋ بارىسىندا الماتى اكىمى ەربولات دوسايەۆقا جەرگىلىكتى تۇرعىن پانفيلوۆ كوشەسىنىڭ اباي داڭعىلىنان شيەۆچەنكو كوشەسىنە دەيىنگى بولىگىن كوركەيتۋ تۋرالى ءوتىنىش ءبىلدىردى، دەپ حابارلايدى aqshamnews.kz
ءوز كەزەگىندە، قالا باسشىسى بۇل جوبا بيىل «حالىق قاتىساتىن بيۋدجەت» باعدارلاماسى اياسىندا جۇزەگە اساتىنىن اتاپ ءوتتى.
«بيىل المالى اۋدانىندا «حقب» باعدارلاماسى اياسىندا 45 جوبا جۇزەگە اسادى. بۇل جوبا دا سول تىزىمگە كىرەدى. جوسپار بويىنشا كوشە بارلىق ستاندارتقا ساي كوركەيتىلەدى. جۇمىستى بيىل باستاپ، كۇزگە دەيىن اياقتايمىز»، – دەدى ەربولات دوسايەۆ.
ايتا كەتەيىك، 2024 جىلى پانفيلوۆ كوشەسىنىڭ قابانباي باتىر كوشەسىنەن جىبەك جولى كوشەسىنە دەيىنگى بولىگى كوركەيتىلگەن بولاتىن. جوبا اياسىندا جولدىڭ بويى مەن شاعىن ساۋلەت نىساندارى جاڭارتىلىپ، جاسىل ايماق 20%-عا ۇلعايتىلدى، كوپجىلدىق بۇتالار وتىرعىزىلدى. پانفيلوۆ كوشەسى – المالى اۋدانىنداعى حالىق ەڭ ءجيى باراتىن ورىننىڭ ءبىرى، الايدا سوڭعى جوندەۋ جۇمىستارى 2017 جىلى جۇرگىزىلگەن.
سوڭعى ءۇش جىلدا الماتىدا «حقب» اياسىندا 938 جوبا جۇزەگە اسىرىلىپ، وعان 39،1 ملرد تەڭگە ءبولىندى. قالا اكىمىنىڭ تاپسىرماسىمەن 2025 جىلى «حقب» باعدارلاماسىنا 17،1 ملرد تەڭگە ءبولىندى.