مەملەكەت باسشىسى قاسىم-جومارت توقايەۆتىڭ جارلىعىمەن 2025 جىل جۇمىسشى ماماندىقتار جىلى بولىپ جاريالاندى. بۇل ماڭىزدى شەشىم بىلىكتى جۇمىسشى كادرلاردىڭ ەل ەكونوميكاسى ءۇشىن ماڭىزدىلىعىن ايقىندايدى. بۇل تۋرالى Aqshamnews.kz سايتى حابارلايدى.
1940 جىلى نەگىزى قالانعان ALMATY POLYTECHNIC COLLEGE ونداعان جىلدار بويى IT سالاسىنا جوعارى بىلىكتى ماماندار دايارلاۋدا ەلىمىزدىڭ جەتەكشى ءبىلىم بەرۋ مەكەمەلەرىنىڭ بىرىنە اينالدى. كوللەدجدە «ەسەپتەۋ تەحنيكاسى جانە اقپاراتتىق جەلىلەر»، «اقپاراتتىق قاۋىپسىزدىك جۇيەلەرى»، «باعدارلامالىق قامتاماسىز ەتۋ»، «راديوتەحنيكا، ەلەكترونيكا جانە تەلەكوممۋنيكاسيالار»، «ماشينالار مەن جابدىقتاردى پايدالانۋ جانە تەحنيكالىق قىزمەت كورسەتۋ» سياقتى سۇرانىسقا يە ماماندىقتار بويىنشا ساپالى ءبىلىم بەرىلەدى.
2017 جىلدان باستاپ كوللەدج جۇمىسشى ماماندىقتار دايارلاۋدى قولعا الىپ، 2019 جىلدان دۋالدى وقىتۋ جۇيەسىن ەنگىزدى. بۇل جۇيە تەوريا مەن تاجىريبەنى ۇشتاستىرا وتىرىپ، ستۋدەنتتەردىڭ ەڭبەك نارىعىندا باسەكەگە قابىلەتتى مامان بولىپ قالىپتاسۋىنا جول اشادى. بۇگىندە كوللەدجدە 1600-دەن استام ستۋدەنت ءبىلىم السا، ونىڭ 246-سى جۇمىسشى ماماندىقتارى بويىنشا، ال 220-سى دۋالدى جۇيە نەگىزىندە وقيدى.
كوللەدجدىڭ باستى ارتىقشىلىقتارىنىڭ ءبىرى — كاسىپورىندارمەن تىعىز ارىپتەستىك بايلانىستارى. دۋالدى وقىتۋ اياسىندا ستۋدەنتتەر وندىرىستىك تاجىريبەدەن ءوتۋ ءۇشىن 98 كومپانيامەن 467 ءۇشجاقتى كەلىسىمشارت جاسالعان. ستۋدەنتتەر جىل سايىن كاسىبي تاجىريبەدەن ءوتىپ، تەوريالىق بىلىمدەرىن ناقتى وندىرىستە قولدانۋعا مۇمكىندىك الادى.
مىسالى، كوللەدج ستۋدەنتتەرى قازىرگى ۋاقىتتا او «قازاقتەلەكوم» كومپانياسىنىڭ «SAPA+» جوباسى بويىنشا بەلسەندى جۇمىس اتقارۋدا. جوبا اياسىندا ينتەرنەت ساپاسىن ارتتىرۋ ماقساتىندا زاماناۋي كۇشەيتكىشتەر ورناتىلىپ، 5G جەلىسىنە قوسىلۋ مۇمكىندىكتەرى جاسالۋدا. ستۋدەنتتەر بۇل جوبادا ناقتى تاجىريبە جيناپ قانا قويماي، ەڭبەكاقى دا الىپ ءجۇر. سونىمەن قاتار، «RUBA» ج ش س، «RK SERVICE» ج ش س، «DRONE.KZ» ج ش س، «ALFA SISTEM» ج ش س سياقتى ۇيىمداردا تاجىريبەدەن وتۋدە، بۇل ولاردىڭ كاسىبي داعدىلارىن دامىتۋعا ۇلكەن ۇلەس قوسادى.
كاسىپورىنداردىڭ سۇرانىسىن ەسكەرە وتىرىپ، كوللەدج ماقساتتى دايىندىق باعدارلامالارى اياسىندا 65 ستۋدەنتتى وقىتۋدا. بۇل باستاماعا «Conti-new corporation»، «Byte Machine» ج ش س، «Leda service» ج ش س، «FD-Service» ج ش س، «Appleprintgroup» ج ش س، «IT Supply» ج ش س سياقتى ءىرى كومپانيالار قولداۋ كورسەتۋدە.
كوللەدج تۇلەكتەرىن جۇمىسقا ورنالاستىرۋ — وقۋ ورنىنىڭ باستى باسىمدىقتارىنىڭ ءبىرى. بۇل باعىتتا كوللەدج جوعارى وقۋ ورىندارىمەن جانە جۇمىس بەرۋشى كاسىپورىندارمەن تىعىز بايلانىس ورناتقان. ستۋدەنتتەرگە ارنالعان جۇمىس جارمەڭكەلەرى مەن كاسىبي كەزدەسۋلەر جۇيەلى تۇردە ۇيىمداستىرىلىپ وتىرادى. سونىڭ ناتيجەسىندە تۇلەكتەردىڭ 90%-دان استامى ءوز ماماندىقتارى بويىنشا جۇمىسقا ورنالاسادى.
سونىمەن قاتار، كوللەدجدە «اقپاراتتىق-كوممۋنيكاسيالىق تەحنولوگيالار» قۇزىرەتتىلىك ورتالىعى مەن IT-حاب Arena جۇمىس ىستەيدى. بۇل ورتالىقتار ستۋدەنتتەردى ۇلتتىق جانە حالىقارالىق دەڭگەيدەگى WorldSkills چەمپيوناتتارىنا دايىنداپ، ولاردىڭ كاسىبي شەبەرلىكتەرىن شىڭداۋعا مۇمكىندىك بەرەدى. IT-حاب Arena — جاڭا يدەيالاردى دامىتۋعا، شىعارماشىلىق شەشىمدەردى تابۋعا جانە ولاردى ناقتى ومىردە جۇزەگە اسىرۋعا ارنالعان بىرەگەي پلاتفورما.
ALMATY POLYTECHNIC COLLEGE — بۇل تەك ءبىلىم الاتىن ورىن عانا ەمەس، بولاشاققا سەنىمدى قادام جاساۋعا مۇمكىندىك بەرەتىن مەكەمە. ءبىزدىڭ باستى ماقساتىمىز — ەل ەكونوميكاسىنىڭ دامۋىنا ۇلەس قوساتىن جاڭا بۋىن بىلىكتى ماماندارىن دايارلاۋ.