ۇلتتىق اۋەننىڭ زاماناۋي مۋزىكامەن ۇيلەسىمدىلىگى
ۇلتتىق اۋەننىڭ زاماناۋي مۋزىكامەن ۇيلەسىمدىلىگى جيىلعان جۇرتقا ەرەكشە اسەر بەردى
الماتىدا ەكى ءتۇرلى سازدىڭ توعىسۋىنان قۇرالعان اۋەزدى كەش ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
نۇرعيسا تىلەندييەۆ اتىنداعى «وتىرار سازى» فولكلورلىق-ەتنوگرافيالىق وركەسترى مەن iFly ەتنو-ەلەكتروندىق توبىنىڭ كونسەرتى ۇلتتىق عىلىم اكادەمياسىنىڭ الدىنداعى الاڭدا بولدى. ۇلتتىق اۋەننىڭ زاماناۋي مۋزىكامەن ۇيلەسىمدىلىگى جيىلعان جۇرتقا ەرەكشە اسەر بەردى.
«كونسەرتىمىز بەسىنشى رەت وتكەلى جاتىر. العاشقى كەزدەسۋىمىز اي-فلايمەن 2017 جىلى ەكسپودا بولدى. سودان حالىق جاقسى قارسى العان سوڭ، ءبىز شىعارماشىلىق تاندەمدى جالعاستىرىپ جاتىرمىز. بۇگىن حالىق جاڭا شىعارمالاردى ەستيدى. بارىنە ۇنايدى دەگەن سەنىمدەمىز»، – دەدى «وتىرار سازى» اكادەميالىق فولكلورلىق-ەتنوگرافيالىق وركەسترىنىڭ كوركەمدىك جەتەكشىسى ءدىنزۋحرا تىلەندييەۆا.