وڭرلىك كوممۋنيكاسيالار قىزمەتىندە وتكەن بريفينگتە الماتى قالالىق قوعامدىق دەنساۋلىق ساقتاۋ دەپارتامەنتىنىڭ وكىلى گۇلجاينات تىلەگەن كوروناۆيرۋسقا قاتىستى جاعداي تۋرالى ايتتى.
ونىڭ ايتۋىنشا، كوروناۆيرۋستىڭ جاڭا نۇسقالارىنا قارسى قورعانۋ شارالارى بۇرىنعىسىنشا ساقتالادى، مەگاپوليس تۇرعىندارىنا ۆاكسينا مەن قايتا ەكپە الۋدى جالعاستىرۋ قاجەت. گۇلجاينات تىلەگەن دارىگەرلەردىڭ اۋرۋمەن قالاي كۇرەسەتىنىن ايتىپ بەردى، دەپ حابارلايدى Almaty-akshamy.kz.
"8 تامىزدا الماتىدا كوروناۆيرۋستىق ينفەكسيانىڭ 200 جاعدايى تىركەلدى، ونىڭ ىشىندە 193 جاعداي اۋرۋ بەلگىسىمەن. بۇگىنگى تاڭدا قالا ستاسيونارلارىندا 123 ناۋقاس ەمدەلۋدە، بارلىعى 500 توسەك-ورىن بار. دارىگەرلەردىڭ باقىلاۋىندا 1 662 پاسيەنت بار"، - دەدى قوعامدىق دەنساۋلىق ساقتاۋ باسقارماسىنىڭ وكىلى.
گ.تىلەگەننىڭ ايتۋىنشا، نەگىزگى الدىن الۋ شاراسى كوروناۆيرۋستىق ينفەكسياعا قارسى ۆاكسيناسيا جانە ريەۆاكسيناسيا بولىپ قالا بەرەدى. ول الماتىدا حالىقتى جاپپاي ۆاكسيناسيالاۋ وتكەن جىلدىڭ 2 ساۋىرىندە باستالعانىن ەسكە سالدى. بۇگىنگى كۇنى 88 ۆاكسيناسيا پۋنكتى جۇمىس ىستەيدى، تولىق رەجيمدە 315 ادامنان تۇراتىن 99 ەگۋ بريگاداسى جۇمىس ىستەيدى.
"بۇگىنگى تاڭدا پرەپاراتتىڭ ءبىرىنشى كومپونەنتىمەن 1 241 540 ادام، ەكىنشى كومپونەنتىمەن 1 207 511 قالا تۇرعىنى ەگىلدى. Pfizer (Comirnaty) ۆاكسيناسىمەن 119 065 ادام ەگىلدى، ونىڭ ىشىندە 4 684 جۇكتى ايەل، 15 896 بالا ەمىزەتىن جانە 55 045 ءجاسوسپىرىم. 2021 جىلعى 22 قاراشادا باستالعان ريەۆاكسيناسيادان كەيىن 606 513 ادام قايتا ەكپە الدى"، - دەپ جالعاستىردى قدسب سپيكەرى.
جۋرناليستەردىڭ ساۋالىنا جاۋاپ بەرگەن الماتى قالالىق قدسب وكىلى گۇلجاينات تىلەگەن مەگاپوليستە بارلىق ۆاكسينالار جەتكىلىكتى مولشەردە ەكەنىن ايتتى. مىسالى، «سينوفارم» VeroCell ۆاكسينالارى 52 658 مىڭ، Qaz Vaس - شامامەن 2 مىڭ جانە Pfizer (Comirnaty) شامامەن ەكى مىڭ دوزا.
قىركۇيەك پەن قازان ايلارىندا الماتىعا Qaz Vac 28 200 دوزادا جانە Pfizer (Comirnaty) 26 910 دوزادا تۇسەدى دەپ كۇتىلۋدە. سوڭعى پرەپارات اسىرەسە جاسوسپىرىمدەرگە، جۇكتى جانە بالا ەمىزەتىن ايەلدەرگە ارنالعان.
سونداي-اق ول ءۇشىنشى ۆاكسينا، ياعني ريەۆاكسيناسيا نە ءۇشىن قاجەت ەكەنىن ەسكە سالدى.
"ۆاكسينا العان ادام ءوزىن قاۋىپ-قاتەردەن قورعايدى جانە اۋرۋلاردى جەڭىل تۇردە قابىلدايدى. زەرتتەۋلەر كوروناۆيرۋستىق ينفەكسيادان قورعانىس ۆاكسينالاردىڭ العاشقى دوزالارىن العاننان كەيىن، اسىرەسە ءارتۇرلى شتامداردىڭ باسىم بولۋىنا بايلانىستى ۋاقىت وتە كەلە تومەندەي باستايتىنىن دالەلدەگەن. ءبىز بىرنەشە تولقىنداردى، جاڭا شتاممداردى باستان وتكەردىك. كورىپ وتىرعانىمىزداي، ۆيرۋس ءاربىر تولقىندا السىرەپ، مۋتاسياعا ۇشىرايدى. ەكپە العان ادامدار اناعۇرلىم اۋرۋعا ءتوزىمدى، يممۋنيتەتتىڭ السىرەۋى ەكپەدەن العان سوڭ 6-12 ايدان كەيىن باستالادى. ۆاكسينادان كەيىنگى يممۋندىق رەاكسيانى كۇشەيتۋ ءۇشىن ريەۆاكسيناسيا قاجەت"، - دەپ ءتۇسىندىردى قدسب وكىلى.
الماتى قالاسىنىڭ وڭىرلىك كوممۋنيكاسيالار قىزمەتىنىڭ حابارلامالارى مەن ماتەريالدارىن تاراتۋ كەزىندە وكق - نە سىلتەمە جاساۋ مىندەتتى.