الماتىدا قالا كۇنىنە وراي ب ا ق وكىلدەرى مەن بلوگەرلەر اراسىندا فۋتبولدان تۋرنير ءوتتى. ءىس-شارانى الماتى قالاسىنىڭ وڭىرلىك كوممۋنيكاسيالار قىزمەتى ۇيىمداستىردى، بۇل تۋرنير جىل سايىن قىركۇيەك ايىنىڭ باسىندا وتەدى، دەپ حابارلايدى Almaty-akshamy.kz
ءتۋرنيردىڭ اشىلۋى سالتاناتتى جاعدايدا ءوتتى. وكق باسشىسى بالسۇلۋ الەكەنوۆا قۇتتىقتاۋ ءسوز سويلەدى. ول كوماندالارعا ساتتىلىك تىلەپ، الداعى قالا كۇنىمەن قۇتتىقتادى.
تۋرنيرگە قالالىق جانە رەسپۋبليكالىق باق-تىڭ 10-عا جۋىق رەداكسياسىنان جۋرناليستەردەن، رەداكتورلاردان جانە وپەراتورلاردان، سونداي-اق بلوگەرلەردەن قۇرالعان 7 كوماندا قاتىستى:
- Alash media group
- 31 ارنا
- مونيتورينگ جانە تالداۋ ورتالىعى
- "الاتاۋ اقپارات"
-"باسكەتبول"مەديا-كومانداسى
- “Nur.kz”
- قازاقستان تەلەارناسى.
"مونيتورينگ جانە تالداۋ ورتالىعى" كومانداسىنىڭ اتىنان تۋرنيرگە قاتىسۋشى جالعىز قىز ويىننان العان اسەرلەرىمەن ءبولىستى.
"تۋرنير ۇيىمداستىرۋشىلارىنا كوپ راحمەت. ءبىز، مونيتورينگ جانە تالداۋ ورتالىعى العاش رەت قاتىسىپ وتىرمىز. بىزگە ءبارى ۇنادى، ءبىراق ءبىز جەڭىسكە جەتە المادىق. ءبىراق كەلەسى جىلى ءبىز تىرىسىپ، ناتيجەسىن كورسەتەمىز دەپ ويلايمىن"، - دەدى متو قىزمەتكەرى ءاليا سماعۇلوۆا.
"ەڭ تەحنيكالىق كوماندا" رەتىندە "الاتاۋ اقپارات" تانىلدى. "جەڭىسكە دەگەن ەرىك-جىگەرى ءۇشىن" نوميناسياسىندا "متو" كومانداسى ماراپاتتالدى . سونىمەن قاتار، "ۇزدىك قاقپاشى"، "ۇزدىك شابۋىلشى" جانە "ۇزدىك ويىنشى"نوميناسيالارىنىڭ جەڭىمپازدارى انىقتالدى.
ويىن قورىتىندىسى بويىنشا ءۇشىنشى ورىندى 31 ارنا قۇراماسى ، ەكىنشى ورىندى Nur.kz كومانداسى يەلەندى. ءتۋرنيردىڭ جەڭىمپازى 1 ورىن العان "باسكەتبول" مەديا-كومانداسى بولدى.
تورەشىلەر القاسى دوستىق تۋرنير ويىنشىلارىنىڭ سپورتتىق دايىندىعىن جوعارى باعالادى. بارلىق قاتىسۋشىلار گراموتالار، اقشالاي سىيلىقتار مەن كۋبوكتار الدى.