الماتىداعى «قازاقستان رەسپۋبليكاسى مەملەكەتتىك ورتالىق مۋزەيى» رمقك ديرەكتورى قىزمەتىنە راشيدا ەرىم قىزى حاريپوۆا تاعايىندالدى، دەپ حابارلايدى Almaty-aksamy.kz قازاقپاراتقا سىلتەمە جاساپ.
راشيدا ەرىم قىزى 1975 جىلى اتىراۋ وبلىسى اتىراۋ قالاسىندا دۇنيەگە كەلگەن.
ءبىلىمى - جوعارى. ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى (بيولوگيا ءپانىنىڭ وقىتۋشىسى - 2001)، «نارحوز» ۋنيۆەرسيتەتى (مەملەكەتتىك جانە جەرگىلىكتى باسقارۋ ماماندىعى بويىنشا ەكونوميكا جانە بيزنەس باكالاۆرى - 2016)؛ ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن (پەداگوگيكالىق عىلىمدار ماگيسترى - 2020) ءتامامداعان.
1993-1994 جج. «جاستالاپ» وقۋ-وندىرىستىك كومبيناتىندا ءىس جۇرگىزۋشى؛ وقۋ-وندىرىستىك وقىتۋ ماستەرى؛
1994-1999 جج. - بيولوگيا ءپانىنىڭ ءمۇعالىمى؛
1999-2001 جج. - كاسىپتىك باعدار بەرۋ جونىندەگى ادىسكەر؛
2001-2003 جج. - ديرەكتوردىڭ وقۋ-وندىرىستىك ىستەرى جونىندەگى ورىنباسارى؛
2003-2009 جج. - اتىراۋ وبلىسى تاريحي-ولكەتانۋ مۋزەيىنىڭ ولكە تابيعاتىن عىلىمي- زەرتتەۋ ءبولىمىنىڭ ءبولىم مەڭگەرۋشىسى؛
2009-2010 جج. - مۋزەي باسشىسىنىڭ عىلىمي ىستەر جونىندەگى ورىنباسارى؛
2010-2014 جج. - وسى مۋزەيدىڭ باسشىسىنىڭ جالپى ماسەلەلەر جونىندەگى ورىنباسارى؛
2014 جىلدىڭ 17 ماۋسىمىنان 2022 جىلدىڭ 14 ناۋرىزىنا دەيىن اتىراۋ وبلىسى تاريحي-ولكەتانۋ مۋزەيىنىڭ باسشىسى بولدى.