الماتىدا ءارحيۆتى دامىتۋدىڭ يننوۆاسيالىق يدەيالارى تالقىلاندى

اشىق قوعامعا – اشىق ارحيۆ

الماتىدا وسىنداي تاقىرىپپەن I حالىقارالىق ارحيۆيستەر كونگرەسى باستالدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ. 

پىكىرتالاس الاڭىندا اقش، ەۋرووداق ەلدەرى، ازيا مەن تمد مەملەكەتتەرىنەن كەلگەن ارحيۆ ماماندارى تاريحي-مادەني مۇرا مەن ماڭىزدى قۇجاتتاردى ساقتاۋدىڭ وزەكتى ماسەلەلەرىن تالقىلادى. ءارحيۆتى دامىتۋدىڭ يننوۆاسيالىق يدەيالارىن ورتاعا سالدى. القالى جيىننىڭ باستى ماقساتى – ارحيۆ قۇجاتتارىنىڭ قولجەتىمدىلىگىن قامتاماسىز ەتۋ. بۇل باستاما تاريحي كەزەڭدەرگە جاڭا قىرىنان ۇڭىلۋگە جول اشادى. سەبەبى زەرتتەۋشىلەر ءۇشىن بۇعان دەيىن ءبىرقاتار دەرەك قورلارى جابىق بولىپ كەلگەن. تاريحتى ساقتاۋشىلاردىڭ حالىقارالىق كاسىبي قوعامداستىعىنىڭ ورتاق ءىس-قيمىلى مەملەكەتتەر تاريحىنىڭ جاڭا دەرەكتەرمەن تولىعۋىنا، سونداي-اق زەرتتەۋشىلەردىڭ جاڭا بۋىنىنىڭ قالىپتاسۋىنا مۇمكىندىك بەرەدى.

«ماسەلەن، ءبىزدىڭ تاريحىمىزعا بايلانىستى مىنا پولشا ءوزىمىزدىڭ پوستسوۆەتتىك كەڭىستىكتە جاڭادان پايدا بولعان رەسپۋبليكالار، ۋكراينا، پريبالتيكا، كورشى ەلدەر – وزبەكستان، قىرعىزستانداعى جابىق قورلار اشىلادى عوي دەگەن ءۇمىتىمىز بار. مەن ءوز باسىم قىرعىزستانننىڭ قاۋىپسىزدىك كوميتەتتىنە، وزبەكستاننىڭ قاۋىپسىزدىك كوميتەتىنە ارنايى حاتپەن قايىرىلعانمىن وسى قورلاردى اشىڭىزدار، ءبىزدىڭ وسى زيالىلارىمىزعا ورتاق سيۋجەتتەردى ماسەلەلەردى زەرتتەيىك دەگەنمىن. وسى تۇرعىدان العان ۋاقىتتا مۇز ەريدى عوي دەگەن ءۇمىتىمىز بار»، - دەدى ق ر ۇعا اكادەميگى، پروفەسسور مامبەت قويگەلدى.