ءۇش ناۋقاسقا وپەراسيا جاسالدى.
ورتالىق قالالىق كلينيكالىق اۋرۋحانادا امەريكاندىق دارىگەرلەردىڭ قاتىسۋىمەن بەس كۇندىك «ونكوۋرولوگيا جانە ۋرولوگياداعى زاماناۋي تاسىلدەمەلەر» اتتى شەبەرلىك ساعاتى ءوتتى، دەپ حابارلايدى Almaty-akshamy.kz.
شارا بارىسىندا ءۇش ناۋقاسقا وپەراسيا جاسالدى. اسىرەسە، يليوكودۋيتى قالىپتاسۋىمەن راديكالدى پروستاتسيستوەكتوميا، سول جاقتان لاپاروسكوپيالىق نەفرەكتوميا جانە سول جاق بۇيرەكتەگى پورسيالدى رەزەكسياسى سەكىلدى.
بارلىق ءۇش وپەراسيا ءساتتى ءوتتى. بۇگىنگى كۇنى ناۋقاستار ءارى قاراي ەم الىپ جاتىر. تەك وقكا ۋرولوگتارى مەن ونكوۋرولوگتارى عانا ەمەس، سونداي-اق، بارلىق قالانىڭ ماماندارى ماستەر-كلاستان وزگە ونكوۋرولوگيالىق اۋرۋشاڭدىق جونىندەگى تاقىرىپتىق دارىستەر تىڭداپ، كۇردەلى اۋرۋى بار ناۋقاستاردى دياگنوستيكالاۋ جانە ەمدەۋ الگوريتمدەرىن تالقىلادى، كلينيكالىق تالداما جۇرگىزدى، جاڭا تەندەنسيالارعا اكسەنت جاسادى.
«شەبەرلىك ساعات ورتالىق قالالىق كلينيكالىق اۋرۋحانادا ءوتتى. قالالىق ۋرولوگيا جانە اندرولوگيا ورتالىعىنىڭ اشىلۋىمەن ءداو تۇسكەنىن ايتا كەتكەن ءجون. ورتالىق قالا تۇرعىندارىنا ساپالى ۋرولوگيالىق كومەك كورسەتۋدى ارتتىرۋ جانە قول جەتىمدى بولۋىن قامتۋ ماقساتىندا اشىلعان. ورتالىق كونسۋلتاتيۆتى-دياگنوستيكالىق جانە ەمدەۋ قىزمەتتەرىن كورسەتەدى، سونداي-اق، نەسەپ جولىنىڭ ءتۇرلى اۋرۋشاڭدىعى بار، ينتەركۋررەنتتى پاتولوگياسى بار، رەپرودۋكتيۆتى جانە سەكسۋالدى سيپاتتا اسقىنۋلارى بار قالا تۇرعىندارىنا الدىن الا كومەك كورەسەتەدى، ۋرواندرولوگيالىق ناۋقاستاردى ديسپانسەريزاسيالاۋ جانە وڭالتۋدى، حيرۋرگيالىق ارالسۋدى جۇرگىزەدى»، - دەيدى ماماندار.
بۇل ءۇشىن ورتالىق بارلىق جاڭا زاماناۋي جابدىقتارمەن، كت، مرت، شۇعىل سىنىپتى ۋدز اپپاراتىمەن، قاشىقتىق سوققى-تولقىندى ليتوتپريپتەرمەن، روبوتتالعان وڭالتۋ كەشەنىمەن، ۆاپوريزاسيا جانە رەزەكسيا جاساۋ ءۇشىن ءتۋلييلى لازەرلىك كوپقىزمەت ەتۋشى حيرۋرگيالىق جۇيەمەن قامتىلعان.
ۋرولوگيا بولىمشەسىنىڭ مەڭگەرۋشىسى ساكەن بيمەنوۆتىڭ ايتۋىنشا، اتالمىش ماستەر-كلاسس وزەكتى بولىپ تابىلادى.
«ارينە، ىس-تاجىريبەمەن ۇنەمى الماسۋ جانە ءتۇرلى وقىتۋ تۇرلەرى بىلىكتىلىكتى ارتتىرىپ ەمدەۋدەگى جاڭا ادىستەمەلەردى يگەرۋگە سەپتىگىن تيگىزەدى. ءبىزدىڭ دارىسكەرلەر مەن ۇيىمداستىرۋشىلارعا ۇلكەن العىس ايتقىم كەلەدى»، - دەپ ويىمەن ءبولىستى.
اتالمىش ماستەر-كلاسس الماتى قالاسى قوعامدىق دەنساۋلىق باسقارماسىنىڭ شەشىمىمەن جەرگىلىكتى بيۋدجەت ەسەبىنەن وتكىزىلگەنى تۋرالى ەستەرىڭىزگە سالامىز. ۇيىمداستىرۋشى- الماتى قالاسى قوعامدىق دەنساۋلىق باسقارماسىنىڭ جوعارى مەديسينالىق كوللەدجى.