بۇل سىيلىق تەاتر جانە كينو مايتالماندارىنا بەرىلەدى.
ول قازاق ونەرىنىڭ جارىق جۇلدىزى قازاقستاننىڭ ەڭبەك ەرى، اتى اڭىزعا اينالعان ءاسانالى ءاشىم ۇلىنىڭ 85 جاسقا تولۋىنا وراي ۇيىمداستىرىلدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
سىيلىق ەلىمىزدىڭ ۇزدىك اكتەرلەرىنە، رەجيسسەرلەرىنە، سەناريستەرگە بەرىلەدى. ۇمىتكەرلەردى ارنايى قۇرىلعان ساراپشىلار توبى ۇسىنىپ، ۇزدىكتەرىن انىقتايدى.
"ءدال ءقازىر العاش رەت ۇيىمداستىرىلىپ جاتقان سىيلىقتا ەشقانداي جاس شەكتەۋى جوق. ءقازىر عانا تاپسىرما الىپ شىقتىق. بارلىق تەاترلاردىڭ وسى سوڭعى جىلدارداعى ۇزدىك جۇمىستارىن ەكرانعا شىققان تۋىندىلاردىڭ ەڭ ۇزدىك جۇمىستارىن ۇسىناتىن بولامىز. سول جەردە ۇلكەن تالقىلاۋ بولادى دا سونىڭ ىشىنەن بەس جۇلدەنىڭ يەگەرى انىقتالادى"، - دەيدى م.اۋەزوۆ اتىنداعى دراما تەاترىنىڭ ديرەكتورى ەركىن جۋاسبەك.