يادرولىق مەديسينا ورتالىعى ەڭ زاماناۋي قۇرىلعىلارمەن جابدىقتالعان
اتالعان كونفەرەنسيا ايماقتىق مەديسينالىق ۇيىمداردىڭ وكىلدەرى ءۇشىن ۇيىمداستىرىلدى، دەپ حابارلايدى Almaty-akshamy.kz.
2021 جىلدىڭ جەلتوقسان ايىندا الماتىدا اشىلعان «MIG Qazaqstan» يادرولىق مەديسينا ورتالىعى-ونكولوگيالىق اۋرۋلاردى ەرتە دياگنوستيكالاۋعا ارنالعان قازاقستانداعى العاشقى يننوۆاسيالىق مەديسينالىق مەكەمە. ورتالىقتا زەرتتەۋلەر تەگىن جۇرگىزىلەدى جانە كەپىلدەندىرىلگەن مەديسينالىق كومەك كولەمى اياسىندا قازاقستاندىقتارعا قولجەتىمدى. ورتالىق دارىگەرلەرى جىلىنا 7 مىڭعا دەيىن پاسيەنتتى قابىلداي الادى. مۇنداي ورتالىقتاردى قازاقستاننىڭ تاعى ءۇش وڭىرىندە – قاراعاندى، ورال جانە شىمكەنتتە اشۋ جوسپارلانۋدا.
يادرولىق مەديسينا ورتالىعى ەڭ زاماناۋي قۇرىلعىلارمەن جابدىقتالعان. “Biograph Horizon” جوعارى تەحنولوگيالىق پەت-سكانەرى پوزيتروندى-ەميسسيالىق جانە كومپيۋتەرلىك توموگرافيا مۇمكىندىكتەرىن ۇيلەستىرەدى جانە اۋرۋدىڭ ەڭ كىشكەنتاي وشاقتارىن انىقتاۋعا، سونداي-اق ىسىكتەردىڭ ورنالاسۋى مەن شەكارالارى تۋرالى ناقتى دەرەكتەرمەن ءۇش ولشەمدى كەسكىن الۋعا مۇمكىندىك بەرەدى. مۇنداي زەرتتەۋلەر ىسىكتەردىڭ قۇرىلىمى مەن فۋنكسيونالدىق ەرەكشەلىكتەرىن مولەكۋلالىق دەڭگەيدە باعالاۋعا كومەكتەسەدى.اتالمىش كونفەرەنسيا ايماقتىق مەديسينالىق ۇيىمداردىڭ وكىلدەرى ءۇشىن ۇيىمداستىرىلدى. ونكولوگتار ورتالىقتىڭ قىزمەتىمەن تانىسىپ، وسى باعىتتاعى جەتەكشى ماماندارمەن سۇقباتتاستى. فورۋم جۇمىسىنا "پەدياتريا جانە بالالار حيرۋرگياسى عىلىمي ورتالىعى" اق باسقارما ءتورايىمى ريزا زۇلقارناي قىزى بورانبايەۆا، "قازورعزي" باسقارما ءتوراعاسىنىڭ عىلىمي - ستراتەگيالىق جۇمىس جونىندەگى ورىنباسارى زاۋرە دميترييەۆنا دۋشيموۆا، باس بالالار ونكوگەماتولوگى، "المالى" حولدينگى باس ديرەكتورىنىڭ ءبىرىنشى ورىنباسارى ولگا سەرگەيەۆنا شۋماي، "نەوتەكفارم" ج ش س ديرەكتورى ياروسلاۆنا ميحايلوۆنا بۋداچ قاتىستى.
تالقىلاۋ بارىسىندا بالالار مەن ەرەسەكتەر ونكولوگياسىنىڭ ەرتە دياگنوستيكاسى، عىلىمي جەتىستىكتەر، يننوۆاسيالىق تەحنولوگيالار، كلينيكالىق زەرتتەۋلەردىڭ حالىقارالىق ادىستەرى جانە وسى سالالاردا تاجىريبە الماسۋ ماسەلەلەرى قوزعالدى.
قازاقستاندىق ماماندار وزدەرىنىڭ رەسەيلىك ارىپتەستەرىنىڭ زاماناۋي ەرتە دياگنوستيكالاۋ ادىستەرى تۋرالى پىكىرىمەن تانىستى. ولاردىڭ ىشىندە – "مەدينۆەستگرۋپپ" كت ديرەكتورى كۋزمين الەكسەي الەكساندروۆيچ، مەديسينالىق ءبىلىم بەرۋ ينستيتۋتىنىڭ يادرولىق مەديسينا جانە رادياسيالىق تەحنولوگيالار كافەدراسىنىڭ مەڭگەرۋشىسى رىجكوۆا داريا ۆيكتوروۆنا، . ۆ. ا. المازوۆا، "مەدينۆەستگرۋپپ" كت ساراپشىسى شاكلەينا ولگا نيكولايەۆنا بار.