قوعامدىق كەڭەس ۇلتتىق مۇددەنى قورعاۋى ءتيىس
الماتى وبلىسىندا قوعامدىق كەڭەستىڭ ءۇشىنشى شاقىرىلىمى باستالدى. التى جىلدا بيلىك پەن حالىق اراسىندا التىن كوپىر بولۋدى كوزدەگەن كەڭەس بيىل ۇيىم مۇشەلەرىن دە وزگەرتتى، جۇمىس باعىتىن تاعى ءبىر ايقىنداپ الدى. بۇل تۋرالى Almaty-akshamy.kz جەتىسۋ مەديا اقپارات الاڭىنا سىلتەمە جاساپ حابارلادى.
جۇمىس توبى جاڭا قوعامدىق كەڭەستى جاساقتاۋدا ازاماتتىق قوعام وكىلدەرىنىڭ سانىن ارتتىرۋعا باسا نازار اۋداردى. بيىل كەڭەستىڭ 81،1% جاڭارتىلدى، ال، قالعانى مۇشەلىككە وزدەرىن قايتا ۇسىنعان.
جاڭا قۇرامنىڭ قاتارىندا مۇگەدەكتىگىنە قاراماستان وڭالتۋ ورتالىعىن اشىپ، جۇزدەگەن مۇمكىندىگى شەكتەۋلى جانعا كومەك قولىن سوزعان ەلدوس بايالىشبايەۆ، تالاي وتباسىنى باسپانالى ەتكەن الماتى وبلىسى بويىنشا «حاراكەت» قايىرىمدىلىق قورىنىڭ جەتەكشىسى امانگەلدى تولامىسوۆ تا بار.
"قوعامدىق كەڭەسكەى ۇزاق ۋاقىت قوعامدىق ماڭىزى بار ماسەلەلەردى تۇراقتى كوتەرىپ جۇرگەن بەلسەندىلەر، ناقتى ءبىر سالا بويىنشا شۇعىلدانىپ جۇرگەن كاسىبي ماماندار كەڭەسكە كىردى. ولار قوعامنىڭ بارلىق سالاسىنان ىرىكتەلىپ الىندى"، - دەپ اتاپ ءوتتى «تامشىبۇلاق» قوعامدىق بىرلەستىگىنىڭ باسشىسى جانات تۋلەميسوۆا.
وسىدان التى جىل بۇرىن ەل پرەزيدەنتى مەن قوعام سەنىپ ارتىپ، ءوز جۇمىسىن باستاعان قوعامدىق كەڭەس قىزمەتىن كۇشەيتە تۇسپەك. الدىمەن، قوعامداعى ءتۇرلى پىكىرلەردى ەسكەرە وتىرىپ، زالىقتى وزەكتى وزەكتى ماسەلەلەرىنە نازار اۋدارىلماق. سونىمەن قاتار، كەڭەس جۇمىسى باعىتقا ءبولىنىپ، ەلىمىزدىڭ الەۋمەتتىك-ەكونوميكالىق دامۋىنا قاتىستى پايدالى باستامالار ەنگىزىلمەك.