ۇتىسقا قاتىسىپ، باسپانالى بولدى
نۇر-سۇلتاندا ەكپە العان ازاماتتار اراسىندا ەكى بولمەلى پاتەردىڭ ۇتىس ويىنى ءوتتى، دەپ حابارلايدى Almaty-akshamy.kz Almaty.tv cايتىنا سىلتەمە جاساپ.
ەكى بولمەلى پاتەردىڭ ۇتىس ويىنىنا وسى جىلدىڭ 25 ماۋسىمى مەن 28 قىركۇيەگى ارالىعىندا ەلوردانىڭ كەز كەلگەن ەگۋ پۋنكتىندە كوروناۆيرۋسقا قارسى ۆاكسينانىڭ ءبىرىنشى كومپونەنتىن العان، كامەلەتكە تولعان ازاماتتار قاتىستى.
ۇتىس ويىنىنىڭ جەڭىمپازدارىن انىقتاۋ ءۇشىن Birge پلاتفورماسىندا ارنايى راندومايزەر سەرۆيسى ورناتىلدى، ول جۇلدە يەلەرىن ۆاكسيناسيالانعان ID گەنەراسياسىمەن تاڭدادى.
سارىارقا اۋدانىنداعى ەسىل وزەنىنىڭ جاعالاۋىندا ورنالاسقان «ريو-دە-جانەيرو» تك-دەگى جاڭا پاتەردى اسەمگۇل ىسقاقوۆا جەڭىپ الدى. پاتەردىڭ دەمەۋشىسى - «G-park» قۇرىلىس كومپانياسى.
سونىمەن قاتار، ۆاكسينالانعاندار اراسىندا باعالى سىيلىقتار ويناتىلدى: ءۇش iPhone12، توڭازىتقىشتار، تەلەديدارلار، قىسقا تولقىندى پەشتەر، شاڭسورعىشتار، ۇتىك، فەن جانە ت.ب.
ۆاكسينالانعاندار اراسىندا باعالى سىيلىقتاردىڭ ۇتىس ويىنى جالعاساتىن بولادى.