الماتىدا قالا اكىمى دارحان ساتىبالدىنىڭ توراعالىعىمەن وتكەن وڭىرلىك ينۆەستيسيالىق شتاب وتىرىسىندا كولىك، ەنەرگەتيكا، ونەركاسىپ جانە يننوۆاسيا سالالارىنداعى قولدانىستاعى ءارى كەلەشەكتەگى ينۆەستيسيالىق جوبالار جان-جاقتى تالقىلاندى.
جيىن بارىسىندا گتس-2 جۇك تەرمينالىن دامىتۋ، جىلۋ ەلەكتر ستانسياسىن سالۋ، اۆتوبۋس پاركىن جاڭعىرتۋ جانە زاريادتاۋ ينفراقۇرىلىمىن جۇيەلى تۇردە دامىتۋ جايى تالقىلاندى. بۇعان قوسا، گاز تولتىرۋ ستانسيالارىن قۇرۋعا قاتىستى جوبالار دا قارالدى.
ونەركاسىپتىك باعىتتا جاڭا بۋىنداعى تەمىربەتون بۇيىمدارىن شىعاراتىن زاۋىت سالۋ جانە اۆتوكولىك ورىندىقتارىن ءوندىرۋ كولەمىن ارتتىرۋعا ارنالعان جوبالار ۇسىنىلدى.
سايران ماڭىندا يننوۆاسيالىق قالالىق سەس پەن جاساندى ينتەللەكت مۋزەيىن قۇرۋ جونىندەگى باستاما تانىستىرىلدى. بۇل جوبا ەنەرگەتيكا، زاماناۋي تەحنولوگيا مەن ءبىلىم بەرۋ سالالارىن توعىستىرىپ، بولاشاقتا قالاعا سەرپىن بەرەتىن ورتالىق رەتىندە سيپاتتالدى.
وتىرىس قورىتىندىسى بويىنشا قالا اكىمى ءتيىستى باسقارمالارعا اتالعان جوبالاردى ودان ءارى قولداپ، ءاربىرىن تياناقتى تۇردە پىسىقتاۋدى تاپسىردى. ينۆەستيسيالىق شتاب تۇراقتى جۇمىس ىستەپ، قولعا الىنعان باستامالاردىڭ ورىندالۋىنا باقىلاۋ كۇشەيتىلەدى.