بۇل تۋرالى وكق بريفينگىندە الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبايەۆ ايتتى، دەپ حابارلايدى almaty-akshamy.kz
ول 2023 جىلدىڭ ناۋرىز ايىنان باستاپ مەگاپوليستە ينۆەستورلارعا جان-جاقتى قولداۋ كورسەتەتىن قۇرىلىم بار ەكەنىن حابارلادى. «Almaty Business Development Company» «الماتى قالاسىنىڭ بيزنەستى دامىتۋ كومپانياسى» جشس-دە قىزمەتتەردى «ءبىر تەرەزە» قاعيداتى بويىنشا الۋعا بولادى.
«كومپانيا كونسۋلتاسيا بەرۋ، ينۆەستيسيالىق جوبالاردى سۇيەمەلدەۋ، رۇقسات قۇجاتتارىن الۋعا جاردەمدەسۋ جانە اكىمشىلىك كەدەرگىلەردى ازايتۋ ارقىلى ينۆەستورلارعا جان-جاقتى قولداۋدى ۋاقىتىلى كورسەتۋگە باعىتتالعان»، - دەدى بەرىك سولتانبايەۆ.
ءتيىستى باسقارما باسشىسى 2023 جىلدىڭ 6 ايىندا نەگىزگى كاپيتالعا سالىنعان ينۆەستيسيا 604،4 ملرد تەڭگەگە جەتكەنىن اتاپ ءوتتى.