الماتىدا ونەر سۇيەر قاۋىمنىڭ نازارىنا «اققۋ كولى» بالەتى ۇسىنىلدى

اتالعان تۋىندى سوڭعى رەت وسىدان بەس جىل بۇرىن قويىلعان

بۇل جولى ونەر تۋىندىسىن جاڭا قىرىنان تانىتتى، دەپ حابارلايدى Almaty-akshamy.kz

ەكى اكتىدەن تۇراتىن سپەكتالدە ادالدىق پەن جاۋىزدىق، ماحاببات پەن ساتقىندىق كۇرەسى كورىنىس تابادى.  

«ءومىر ەشقاشان ءبىر ءتۇستى بولعان ەمەس، ءارقاشان ءتۇرلى رەڭككە يە، ومىردە ادالدىق پەن ماحاببات تا، ساتقىندىق پەن زۇلىمدىق تا كەزدەسەدى. بۇل بالەتتە بارلىعى كورىنىس تاپقان. اققۋ – تازالىقتىڭ، نازىكتىكتىڭ نىشانى، ليريكالىق بەينە»، – دەيدى بالەتتىڭ جەتەكشى ءسوليسى اينۇر مۇقاشيەۆا.

ايتا كەتەيىك، تاڭداي قاقتىرار بۇل تۋىندىنى پەتر چايكوۆسكيي 1877 جىلى جازعان. سول ۋاقىتتان بەرى الەمدىك دەڭگەيدەگى حورەوگرافيالىق كلاسسيكانىڭ جاۋھارىنا اينالعان كومپوزيسيا ءتۇرلى نۇسقادا كوپشىلىك كورەرمەننىڭ نازارىنا ۇسىنىلىپ كەلەدى. بەكزات ونەردى تاماشالۋعا كەلگەندەردىڭ سانى كوپ بولدى. ساحنا دەكوراسياسى، سۋرەتشىنىڭ شىعارماشىلىق ىزدەنىسى مەن قويىلىم تالعامى بيىك كورەرمەندى ءتانتى ەتپەي قوي­مادى.  

«بولات عازيز ۇلىنىڭ نۇسقاسىمەن قويىلعان بۇل تۋىندىنىڭ وزگەلەردەن ەرەكشەلىگى – ديناميكاسىندا. اراعا 5 جىل سالىپ، قايتا ساحنالاۋىمىزدىڭ سەبەبى – قويىلىمدى ورىنداۋ ءۇشىن باستاپقىدا بالەت ارتىستەرى جەتىسپەدى. ءبىز ناعىز تالانتتاردى ىزدەدىك. جوعارى دەڭگەيدە جۇمىس ىستەدىك. وسىلايشا، كورەرمەن كاسىبي تۇردە دايىندالعان جۇمىستىڭ كۋاسى بولدى»، – دەيدى بالەتتىڭ كوركەمدىك جەتەكشىسى ديار اقەنيەۆ.