الماتى قالالىق كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين وڭىرلىك كوممۋنيكاسيالار قىزمەتىنىڭ بريفينگى بارىسىندا 2021 جىلى قالانىڭ نەگىزگى تەندەنسيالارى اياسىندا وڭدەۋ ونەركاسىبىنىڭ ديناميكالىق جانە تۇراقتى ءوسۋى بايقالعانىن اتاپ ءوتتى، دەپ حابارلايدى almaty-akshamy.kz
ەركەبۇلان ءورازاليننىڭ ايتۋىنشا، 7 ايداعى فيزيكالىق كولەم يندەكسى 23،3%-دى قۇرادى.
«وتكەن جىلى الماتىنىڭ يندۋستريالدى ايماعىندا Hyundai زاۋىتى اشىلدى. ول 2020 جىلدىڭ سوڭىنا دەيىن 6،5 مىڭنان استام اۆتوموبيل شىعاردى. 2021 جىلدىڭ ءبىرىنشى جارتىجىلدىعىندا 12،3 مىڭنان استام اۆتوموبيل شىعارىلدى. ناتيجەسىندە مەگاپوليستىڭ ماشينا جاساۋى 4،8 ەسە ءوستى»، - دەدى ەركەبۇلان ورازالين.
وڭدەۋدىڭ كەيبىر سالالارىندا الدىڭعى كەزەڭمەن سالىستىرعاندا ءوسۋدىڭ ۇدەۋى بايقالعانىن اتاپ وتكەن ءجون. قاعاز جانە قاعازدان جاسالعان بۇيىمدار ءوندىرىسى 29،9%-عا، قۇرىلىس ماتەريالدارى - 16،5%-عا، دايىن مەتالل بۇيىمدارى - 56%-عا ءوستى.
ەركەبۇلان ورازالين جىل سوڭىنا دەيىن 16 وندىرىستىك نىساندى ىسكە قوسۋ جوسپارلانىپ وتىرعانىن قوستى. بۇل تىزىمدە: «VALTHERM»، «KMK Investment» II-كەزەڭ، «سك راحات»، «گ.س.گ ۆىسوتنيك»، «كاز ديا تەست»، «Technocont»، «ەلەكتروبار»، «Asia Steel Pipe Corporation»، «Hyundai Trans Auto»، «كازفەرروستال»، «Serebro Profit»، «تورگستروي»، «KazStroyTrade»، «Ads Industries»، «AlaEstate» ي «AsiaPromTextile». جوبالاردى ىسكە اسىرۋعا 59،6 ميلليارد تەڭگە ءبولىندى، 1700-دەن استام جۇمىس ورنى اشىلادى.
ە. ورازالين ءبىرىنشى جارتىجىلدىقتا 14،6 ملرد تەڭگە سوماسىنا بەس جوبانىڭ ىسكە قوسىلعانىن جاريالادى، سونىڭ ارقاسىندا 445 جۇمىس ورنى اشىلدى. جاڭادان كەلگەندەر تىزىمىندە «كمك Investment» II-كەزەڭ، «سك راحات»، «گ.س.گ. ۆىسوتنيك» جانە «Asia Prom Textile»، «ADS Industries» ەكى يندۋستريالدى پاركى.
جىل سوڭىنا دەيىن الماتىدا جالپى سوماسى 45 ميلليارد تەڭگەنى قۇرايتىن تاعى 11 جوبانى ىسكە قوسۋ جوسپارلانىپ وتىر، 1 259 جۇمىس ورنى اشىلادى، سونداي-اق جەڭىلدىك شارتتارمەن شوب سۋبەكتىلەرى ءۇشىن 24،2 مىڭ ش.م كەڭىستىك ءوندىرىستى پايدالانۋعا بەرۋ ارقىلى ءۇش وندىرىستىك پارك اشىلادى.
ەركەبۇلان ورازالين تاياۋ جىلدارى «الاتاۋ» يتپ اەا فارماسيەۆتيكالىق جانە اسپاپ جاساۋ ونەركاسىبىنە باسا نازار اۋدارا وتىرىپ، يننوۆاسيالىق جانە تەحنولوگيالىق وندىرىستەردى دامىتۋدىڭ بەلسەندى كەزەڭىنە وتەدى دەپ ەسەپتەيدى.
ەسكە سالساق، وتكەن جىلدىڭ ماۋسىم ايىندا الماتى قالاسىنىڭ اكىمدىگى اتپ اەا بازاسىندا فارماسيەۆتيكالىق كلاستەر قۇرۋ تۋرالى باستاما كوتەرگەن بولاتىن. قازىرگى ۋاقىتتا 2،3 مىڭ جاڭا تۇراقتى جۇمىس ورنىن قۇرۋمەن جالپى سوماسى 43 ميلليارد تەڭگەنى قۇرايتىن «VivaPharm»، «الفا مەد»، «Bio Eurasia»، «OISB Kazakhstan»، «Eltex» جانە باسقالارى سياقتى جوبالار ىسكە اسىرىلۋدا.