الماتىدا بريتاندىق، وڭتۇستىككورەيالىق، تۇرىك جانە رەسەيلىك ينۆەستورلاردىڭ قاتىسۋىمەن جاڭا جوبالار جۇزەگە اسىرىلۋدا 

بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين مالىمدەدى.

ول پاندەمياعا قاراماستان، قالا سىرتقى ينۆەستيسيالار ءۇشىن تارتىمدى بولىپ قالا بەرەتىنىن جانە بۇل كورسەتكىش بويىنشا ءسوزسىز كوشباسشى ەكەنىن اتاپ ءوتتى، دەپ حابارلايدى Almaty-akshamy.kz.
 

ە. ورازالين الماتىدا شەتەلدىك ينۆەستورلاردىڭ قاتىسۋمەن ءبىرقاتار جاڭا جوبالاردىڭ جۇزەگە اسىرىلىپ، ازىرلەنىپ جاتقانىن ايتتى. 

 
«قىركۇيەك ايىندا Esentai City بازاسىندا De Monford بريتان ۋنيۆەرسيتەتىنىڭ ءبىرىنشى فيليالىن اشۋ جوسپارلانىپ وتىر، ال الماتىدا حالىقارالىق اۋەجايدىڭ جاڭا تەرمينالىنىڭ قۇرىلىسى باستالادى»، - دەدى ول. 

 
باسقارما باسشىسى 2 تامىزدا 150 توسەك-ورىنعا ارنالعان كوپ سالالى كلينيكا جوباسىنا 17،2 ملرد تەڭگە ينۆەستيسيا سالۋدى جوسپارلاپ وتىرعان Orhun Medical تۇرىك كومپانياسىنىڭ وكىلدەرىمەن كەزدەسۋ وتكىزىلگەنىن ەسكە سالدى. 
 
سونىمەن قاتار، 11 تامىزدا «مەديكال پارتنەرس» ۇسىنعان كورەيالىق ينۆەستورلارمەن 200 كەرەۋەتتىك وڭتۇستىك كورەيانىڭ زاماناۋي مەديسينالىق ورتالىعى مەن زەرتحانانىڭ قۇرىلىسى جوباسىن جۇزەگە اسىرۋ بويىنشا كەلىسىم تۋرالى مەموراندۋمعا قول قويىلدى. 
  
جاقىن ارادا رەسەيلىك ينۆەستورلار الماتىدا «لەرۋا مەرلەن قازاقستان» گيپەرماركەتىن سالۋ جوباسىن ىسكە اسىرۋدى باستاۋدى جوسپارلاپ وتىر.