الماتىدا بالالاردى تاۋلىك بويى 8 مەديسينالىق ۇيىمى وڭالتۋدان وتكىزەدى. 2 كەزەڭدى وڭالتۋ - نەيروحيرۋرگيالىق، نيەۆرولوگيالىق، كارديولوگيالىق جانە تراۆماتولوگيالىق بەيىندەر بويىنشا №2 قالالىق بالالار كلينيكالىق اۋرۋحاناسىنىڭ بازاسىندا، سونىمەن قاتار، ەكى باعىت: نەيروحيرۋرگيالىق جانە تراۆماتولوگيالىق باعىتتار بويىنشا جۇرگىزىلەدى. 3 كەزەڭدى وڭالتۋ بەس مەملەكەتتىك بالالاردى وڭالتۋ ورتالىعىندا جانە ءبىر جەكەمەنشىك ورتالىقتا جۇرگىزىلەدى، دەپ حابارلايدى almaty-akshamy.kz
مىنەكەي، وسىلايشا، بالالاردى ەرتە وڭالتۋ ورتالىعى نيەۆرولوگيالىق پاتولوگياسى بار 3 جاستان 7 جاسقا دەيىنگى بالالاردى قابىلدايدى؛ تىنىس الۋ ورگاندارىنىڭ اۋرۋلارى بار (دەمىكپە، برونحيت، پنيەۆمونيامەن اۋىرعان) سول جاستاعى بالالاردى «الاۋ» وڭالتۋ ورتالىعى قابىلدايدى؛ ال تىنىس الۋ ورگاندارى مەن جۇيكە جۇيەسىنىڭ اۋرۋلارى بار 8 جاستان 14 جاسقا دەيىنگى بالالار «بالداۋرەن» ورتالىعىندا بالالاردى وڭالتۋدان وتەدى. قالالىق بالالاردى وڭالتۋ ورتالىعى 3 جاستان 14 جاسقا دەيىنگى بالالارعا سەرەبرالدى سال اۋرۋى، پارەز، سال اۋرۋى، سونىمەن قاتار، مي مەن جۇلىن جاراقاتىنان نەمەسە ينسۋلتتان كەيىنگى جاعدايدا (اۋتيست بالالار، داۋن اۋرۋى جانە ت.ب.) پسيحونيەۆرولوگيالىق كومەك كورسەتەدى. 1 جاستان 14 جاسقا دەيىنگى بالالارعا فتيزيوپۋلمونولوگيا بالالاردى وڭالتۋ ورتالىعىندا تۋبەركۋلەزگە قارسى جانە پۋلمونولوگيالىق ەمدەۋ جۇرگىزىلەدى.
نيەۆرولوگيالىق باعىت بويىنشا بالالار جەكە وڭالتۋ ورتالىعىندا دا وڭالتۋدان وتە الادى. مەديسينالىق قارسى كورسەتىلىم بولسا دا، بولماسا دا، قالا ەمحانالارىنىڭ ۋچاسكەلىك دارىگەرلەرى بالالاردى ەمدەۋگە جىبەرىلەدى. كورسەتىلىم بولعان جانە قارسى كورسەتىلىم بولماعان كەزدە بالالاردى ەمدەۋگە E-Gov ەلەكتروندىق ۇكىمەت پورتالى ارقىلى قالا ەمحانالارىنان ۋچاسكەلىك دارىگەرلەر جولدانادى.
«2023 جىلدىڭ ءبىرىنشى جارتىجىلدىعىندا الماتىدا تاۋلىك بويى وڭالتۋ ورتالىقتارى مەن ستاسيونارلاردا 5 626 بالا وڭالتۋدان وتەدى، ونىڭ 606-ى مۇمكىندىگى شەكتەۋلى. بۇدان باسقا، مەملەكەتتىك تاپسىرىس اياسىندا بالالارعا وڭالتۋ كومەگى قالا ەمحانالارىندا دا كورسەتىلەدى. امبۋلاتوريالىق دەڭگەيدە جانە كۇندىزگى ستاسيونارلاردا 4 131 بالا وڭالتۋدان ءوتتى»، - دەدى شتاتتان تىس باس بالالار رەابيليتولوگى ەلۆيرا رووت.
بالالارمەن كوپسالالى توپ جۇمىس ىستەيدى، وعان قۇرامىندا رەابيليتولوگ، جاتتىعۋ تەراپياسىنىڭ نۇسقاۋشىسى نەمەسە كينەزيتەراپيا مامانى، كاسىبي تەراپيەۆت، ماسساج تەراپيەۆتى، پسيحولوگ، پسيحوتەراپيەۆت، لوگوپەد جانە ت.ب. ءارتۇرلى ماماندار بار. ءار بالاعا جەكە وڭالتۋ جوسپارى جاسالادى. بۇعان قوسا، بەيىمدەلگەن باعدارلاما بويىنشا مەكتەپكە دەيىنگى جانە مەكتەپ جاسىنداعى بالالاردىڭ تانىم كەڭەيتۋ، ەستە ساقتاۋ مەن ويلاۋدى دامىتۋ، سونىمەن بىرگە ادامگەرشىلىك تاربيە بەرۋ ماقساتىندا ساباقتار توپپەن وتكىزىلەدى. بۇل جاعدايدا بالالارداعى پسيحو-پەداگوگيكالىق پاتولوگيالار ەسكەرىلەدى.
سونىمەن بىرگە، مۇمكىندىگى شەكتەۋلى بالالاردىڭ اتا-انالارىنىڭ نەمەسە رەسمي وكىلدەرىنىڭ ورتاق جاۋاپكەرشىلىگىن دامىتۋ ءۇشىن مەديسينا قىزمەتكەرلەرى تۇراقتى نەگىزدە ترەنينگتەر، سەمينارلار وتكىزەدى. ءارى اتا-انالارمەن بىرگە بالالاردى وڭالتۋ جاتتىعۋلارىن ۇيرەتۋ ساباقتارى ۇنەمى وتكىزىلىپ تۇرادى، وسىلايشا ولار ۇيدە دە ساباقتارىن جالعاستىرا الادى. بالالاردىڭ قاسىندا ۇنەمى جۇرەتىن جاندار دا بارلىق ماماندىقتى ۇيرەنەدى. ال اتا-انالارعا ترەنينگتى پسيحولوگتار وتكىزەدى.