وڭىرلىك كوممۋنيكاسيالار قىزمەتىنىڭ ونلاين بريفينگىندە «وميكروندى» جۇقتىرۋ ەرەكشەلىكتەرى، سونداي-اق الماتىدا ۆاكسينالاۋ جانە ريەۆاكسينالاۋ بارىسى تۋرالى قالالىق قوعامدىق دەنساۋلىق باسقارماسى باسشىسىنىڭ ورىنباسارى سۆەتلانا سۇلتانعازييەۆا ايتىپ بەردى، دەپ حابارلايدى اlmaty-akshamy.kz
الماتىدا 2022 جىلعى 24 قاڭتاردا كوروناۆيرۋستىق ينفەكسيانىڭ 1501 جاعدايى تىركەلدى، ونىڭ ىشىندە 1350 جاعداي سيمپتومدى جانە 151 جاعداي سيمپتومسىز.
322 ادام ەمدەلىپ شىقتى، 229 ادام ءتۇستى.
بارلىعى 3 310 توسەك-ورىنعا ەسەپتەلگەن ينفەكسيالىق ستاسيونارلاردا 1 417 ادام ەمدەلۋدە. ونىڭ 145ء-ى بالا.
قدب باسشىسى ورىنباسارىنىڭ ايتۋىنشا، بۇگىندە ۇيدە امسك ءموبيلدى بريگادالارىنىڭ جانە تەلەمەديسينا ورتالىعىنىڭ باقىلاۋىندا 11 191 پاسيەنت بار: سيمپتومدى– 10 576 ادام، جەڭىل، ورتاشا دارەجەلى جانە سيمپتومسىز – 615 ادام.
س. سۇلتانعازييەۆا «وميكرون» نۇسقاسى دەرتى اعىمىنىڭ ەرەكشەلىگى نەدە ەكەنىن ءتۇسىندىردى.
«بۇل شتامم وتە جۇقپالى جانە قىسقا ينكۋباسيالىق كەزەڭمەن ەرەكشەلەنەدى. ەگەر بۇرىن ءبىز ينكۋباسيالىق كەزەڭ 21 كۇن دەپ ايتاتىن بولساق، ءقازىر كەيبىر جاعدايلاردا بۇل 2-3 كۇن. اۋرۋدىڭ نەگىزگى كورىنىستەرى: ينتوكسيكاسيا بەلگىلەرى، باس اۋرۋى، قىشۋ، تاماق اۋرۋى، قۇرعاق جوتەل. «دەلتا» نۇسقاسىندا ءجيى كەزدەسەتىن بەلگىلەر –ءدام مەن ءيىس، ءيىس جوعالۋى ءقازىر وتە سيرەك كەزدەسەدى»، - دەدى قدب باسشىسىنىڭ ورىنباسارى.
الماتى قالاسىندا 2 ساۋىردەن باستاپ حالىقتى جاپپاي ۆاكسينالاۋ باستالعانى بەلگىلى.
ۆاكسينالاۋ ءۇشىن مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلاردا جانە قالانىڭ سوسو-دا 250 ەگۋ پۋنكتىن ىسكە قوسۋ جوسپارلانۋدا. قازىرگى ۋاقىتتا 119 پۋنكتى بار، تولىق رەجيمدە 520 ادامنان تۇراتىن 140 ەگۋ بريگاداسى جۇمىس ىستەيدى.
بۇگىندە الماتىدا 1 101 185 ادام ۆاكسينالاندى. ەگىلگەندەردىڭ جالپى سانىنان 60 جاستان اسقاندار 123 979 ادامدى قۇرايدى.
وتكەن تاۋلىكتە الماتىدا ءبىرىنشى كومپونەنتپەن 1998 ادام، ەكىنشى كومپونەنتپەن 1118 ادام ەگىلدى.
Pfizer (Comirnaty) ۆاكسيناسىن الماتى قالاسىنىڭ 38 518 تۇرعىنى الدى، ونىڭ ىشىندە 2 060 جۇكتى ايەل، 8 359 بالا ەمىزەتىن ايەل، 28 099 بالا مەن ءجاسوسپىرىم.
الماتىدا 22 قاراشادان باستاپ كۆي ريەۆاكسينالاۋى باستالدى، 122 960 الماتىلىق ۆاكسينانى قايتا الدى.