الماتى قالاسىنىڭ باس مەملەكەتتىك سانيتارلىق دارىگەرى قارلىعاش ءادبىجابباروۆا وڭىرلىك كوممۋنيكاسيالار قىزمەتىنىڭ ونلاين بريفينگىندە شەكتەۋلەردىڭ ءىشىنارا الىنىپ تاستالعانى تۋرالى ايتتى، دەپ حابارلايدى اlmaty-akshamy.kz
قارلىعاش ءادبىجابباروۆا «Ashyq» جوباسى اياسىندا 6-16 قاڭتار ارالىعىندا قالادا «قىزىل» مارتەبەسى بار 270 جانە «سارى» مارتەبەسى بار ءتورت تۇلعا انىقتالعانىن اتاپ ءوتتى.
«2021 جىلدىڭ 9 ساۋىرىنەن باستاپ قازىرگى ۋاقىتقا دەيىن 11 369 تۇرعىننىڭ «قىزىل»، 1 360 تۇرعىننىڭ «سارى» مارتەبەسى راستالدى»، - دەپ حابارلادى الماتى قالاسىنىڭ باس سانيتارلىق دارىگەرى.
ول اعىمداعى جىلدىڭ 22 قاڭتارىندا الماتى قالاسى بويىنشا رەسپۋبليكانىڭ باس مەملەكەتتىك سانيتارلىق دارىگەرىنىڭ №2 قاۋلىسىنا قول قويىلعانىن، وندا كەلەسى وزگەرىستەر ەنگىزىلگەنىن ەسكە سالدى. كونسەرت زالدارىنىڭ، تەاترلاردىڭ، سيركتەردىڭ، فيلارمونيالاردىڭ قىزمەتىنە، كونفەرەنسيالار، سەمينارلار، كورمەلەر، فورۋمدار، تۇنگى كلۋبتار، كاراوكە، ۇجىمدىق ءدىني جورالاردى وتكىزۋگە تىيىم سالىندى، سونداي-اق قوعامدىق تاماقتانۋ ورىندارىنا كەلۋشىلەر سانىن 4 ادامعا دەيىن قىسقارتۋ جانە كينوتەاترلاردىڭ تولىمدىلىعىن 30%-عا دەيىن قىسقارتۋ تۋرالى تالاپ الىنىپ تاستالدى.
«بۇل نىسانداردىڭ بارلىعى «Ashyq» اياسىندا «قىزىل» ايماقتىڭ قولدانىستاعى كريتەرييلەرى بويىنشا جۇمىس ىستەيتىن بولادى. مىسالى، كونسەرتتەر، تەاترلار، كينوتەاترلار، قوعامدىق تاماقتانۋ، تۇنگى كلۋبتار، كاراوكە – 50%-عا دەيىن 50 ادامنان ارتىق ەمەس، كورمەلەر – 70%-عا دەيىن 200 ادامنان ارتىق ەمەس»، - دەپ ءتۇسىندىردى قارلىعاش ءادبىجابباروۆا.
سپيكەر 24 قاڭتاردان باستاپ بالاباقشالاردىڭ اتا-انالاردىڭ ءوتىنىشى بويىنشا شتاتتىق فورماتتا، جالپى ءبىلىم بەرەتىن مەكتەپتەرگە – 600 بالاعا دەيىنگى كونتينگەنتى بار 1-4 سىنىپتارعا شتاتتىق فورماتتا، ال 600-دەن استام وقۋشىسى بار مەكتەپتەرگە – 50%-نا شتاتتىق فورماتتا جۇمىس ىستەۋگە رۇقسات ەتىلگەنىن حابارلادى.
«سونداي-اق، مەكتەپتەن تىس جانە ءبىلىم بەرۋ ورتالىقتارىنىڭ شتاتتىق فورماتتاعى، جوو مەن كوللەدجدەردىڭ ارالاس فورماتتاعى جۇمىسىنا رۇقسات ەتىلدى. ۆاكسينالانعان وقۋشىلارعا مەكتەپ اكىمشىلىگىنىڭ قالاۋى بويىنشا وفلاين رەجيمدە رۇقسات ەتىلەدى»، - دەپ ناقتىلادى سپيكەر.