مادەنيەت پەن ونەر سالاسىنداعى جوو وقىتۋشىلارىنىڭ جالاقىسى كوبەيدى

ۇكىمەت بۇل تۋرالى ءتيىستى قاۋلى قابىلدادى.

قاۋلى ءتورت شىعارماشىلىق جوعارى وقۋ ورنىنا قاتىستى، دەپ حابارلايدى Almaty-akshamy.kz پرەمەر-مينيستردىڭ رەسمي سايتىنا سىلتەمە جاساپ.

مادەنيەت جانە ونەر سالاسىنداعى ءبىرقاتار جوعارى وقۋ ورىن وقىتۋشىلارىنىڭ ەڭبەكاقىسى كوتەرىلدى.

«2025 جىلعا دەيىنگى حالىقتىڭ تابىسىن ارتتىرۋ جونىندەگى كەشەندى جوسپاردى ىسكە اسىرۋ شەڭبەرىندە ۇيىمدىق-قۇقىقتىق نىسانىنا قاراماستان، ەرەكشە مارتەبەسى بار مادەنيەت جانە ونەر سالاسىنداعى جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارى پروفەسسور-وقىتۋشىلار قۇرامىنىڭ لاۋازىمدىق ەڭبەكاقىلارىنىڭ بەلگىلەنگەن مولشەرىنە ارتتىرۋ كوەففيسيەنتىن ۇلعايتۋ (1،75-تەن 3،5-كە دەيىن) كوزدەلگەن. قاۋلى 2022 جىلعى 1 قاڭتاردان باستاپ قالىپتاسقان قاتىناستارعا قاتىستى قولدانىلادى، سوندىقتان وسى جىلدىڭ وتكەن ايلارىنىڭ ەڭبەكاقىسى بويىنشا قايتا ەسەپتەۋ جۇرگىزىلەتىن بولادى»، - دەپ كورسەتىلگەن رەسمي حابارلامادا.

قاۋلى ءتورت شىعارماشىلىق جوعارى وقۋ ورنىنا قاتىستى: ت. جۇرگەنوۆ اتىنداعى قازاق ۇلتتىق ونەر اكادەمياسى، قۇرمانعازى اتىنداعى قازاق ۇلتتىق كونسەرۆاتورياسى، قازاق ۇلتتىق ونەر ۋنيۆەرسيتەتى جانە قازاق ۇلتتىق حورەوگرافيا اكادەمياسى.