لۋدومانيا دياگنوزىن قويۋ وڭاي بولعانىمەن، ونى ەمدەۋ وتە قيىن
ق ر دەنساۋلىق ساقتاۋ مينيسترلىگىنىڭ «رەسپۋبليكالىق پسيحيكالىق دەنساۋلىق عىلىمي-پراكتيكالىق ورتالىعى» حالىقارالىق ىنتىماقتاستىق جانە قوعاممەن بايلانىس ءبولىمىنىڭ باسشىسى رينات مۇزافاروۆ الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا ويىنعا تاۋەلدىلىكتىڭ الدىن الۋ جانە ونىڭ سالدارى تۋرالى ايتىپ بەردى، دەپ حابارلايدى almaty-akshamy.kz
ساراپشىنىڭ ايتۋىنشا، لۋدومانيا دياگنوزىمەن 10-عا جۋىق ادام ەسەپكە تىركەلگەن. ەسەپكە اۋىر، سوزىلمالى، اۋرۋى اسقىنعان ادامدار الىناتىنى اتاپ تا ءوتتى. ورتالىققا ادام ءوزى جۇگىنگەن جاعدايدا، ەسەپتە تۇرماسا دا، كومەك كورسەتىلەتىنىن اتاپ ءوتتى.
"ەگەر ادام قۇمارلىققا باتپاي ويناپ جۇرگەن بولسا، وندا ءبىز ونى ەسەپكە الا المايمىز. ەسەپكە الۋ ءۇشىن ونىڭ تاۋەلدىلىگى بولۋى كەرەك جانە جاعىمسىز سالدار ورىن الۋى قاجەت. بارلىق كومەكتى كورسەتۋ ءۇشىن بىزدە ينفراقۇرىلىم دا، ماماندار دا بار. الايدا، ادامدار وسى باعىتتا كومەك الۋ ءۇشىن مەملەكەتتىك ۇيىمدارعا جۇگىنە بەرمەيدى"، - دەپ اتاپ ءوتتى ق ر دسم "رەسپۋبليكالىق پسيحيكالىق دەنساۋلىق عىلىمي-پراكتيكالىق ورتالىعى" حالىقارالىق ىنتىماقتاستىق جانە قوعاممەن بايلانىس ءبولىمىنىڭ باسشىسى رينات مۋزافاروۆ.
ر. مۋزافاروۆتىڭ ايتۋىنشا تاۋەلدىلىك حيميالىق جانە حيميالىق ەمەس بولىپ ەكىگە بولىنەدى. ەگەر بىرىنشىسىنە الكوگوليزم، ناشاقورلىق پەن توكسيكومانيا كىرسە، ەكىنشى ساناتقا لۋدومانيا جاتادى.
"لۋدومانيا دياگنوزىن قويۋ وڭاي بولعانىمەن، ونى ەمدەۋ وتە قيىن. مۇنىڭ ءبارى ادامنىڭ ويىنعا قانشا ۋاقىت بولگەنىنە بايلانىستى. ادەتتە، ادامنىڭ ءوزى باستاپقىدا تاۋەلدى بولىپ قالعانىن بىلمەي قالادى. قۇمار ويىندارعا بەيىمدىلىك باستاپقىدا جەڭىل جولمەن پايدا تابۋ نيەتىندە باستالىپ، ودان ەموسيونالدى بايلانىپ، كەيىن تولىعىمەن تاۋەلدى بولىپ قالادى. كوپ جاعدايدا، قۇمار ويىن وينايتىن ادام قوعامنان الىستاپ كەتپەيىنشە، تۋىستارى دا، دوستارى دا قاتتى دابىل قاعا قويمايدى"، - دەدى سپيكەر.
لۋدوماندار قارىزعا اقشا الىپ، وتباسى مەن جاقىندارىن تارتىپ، قارىزعا بەلشەسىنەن باتىپ جاتادى.
"تاۋەلدىلىكتى وقشاۋلاۋ ارقىلى ەمدەۋ كەرەك. جالعىز ايىرماشىلىعى، بۇل جاعدايدا ناشاقورلىقپەن اۋىراتىن ناۋقاستار سياقتى حيميالىق دەتوكسيكاسيا قاجەت ەمەس. مۇندا پسيحو-الەۋمەتتىك وڭالتۋ جۇرگىزۋ قاجەت. ەڭ باستىسى، ادام تاۋەلدىلىكسىز ءومىر ءسۇرۋدى ۇيرەنۋى كەرەك. ياعني، تاۋەلدىلىكتىڭ ورنىنا ول ارى قاراي ءوز ومىرىنە بەيىمدەيتىن باسقا دا جاعدايلاردى ۇسىنۋ قاجەت"، - دەپ قورىتىندىلادى ر. مۇزافاروۆ.