بيىلعى تەست فورماتىندا وزگەرىس جوق

بيىل ۇبت تاپسىراتىنداردىڭ 75 پايىزى قازاق تىلىندە تەستىدەن وتۋگە ءوتىنىش بەردى.

بۇل تۋرالى ق ر عىلىم جانە جوعارى ءبىلىم ۆيسە-مينيسترى قۋانىش ەرعالييەۆ ءمالىم ەتتى، دەپ حابارلايدى Almaty-akshamy.kz.

«تەست تاپسىرۋ تىلىنە قاتىستى توقتالساق، تۇلەكتەردىڭ 75 پايىزى قازاق تىلىندە، 25 پايىزى ورىس تىلىندە، 243 ادام (0،14%) اعىلشىن تىلىندە تەستىدەن وتۋگە ءوتىنىش ءبىلدىردى.

بيىل تەست فورماتىندا وزگەرىس جوق. ءپان سانى وزگەرىسسىز قالادى، ياعني ءۇش مىندەتتى جانە ەكى بەيىندىك ءپان قامتىلعان. بارلىعى 120 تەست سۇراعى بولادى. ەڭ جوعارى ۇپاي – 140. تەستىلەۋدىڭ جالپى ۋاقىتى 4 ساعاتقا جالعاسادى»، - دەدى ق.ەرعالييەۆ ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.

«ەرەكشە ءبىلىم بەرۋ قاجەتتىلىكتەرى بار تالاپكەرلەردىڭ تەست تاپسىرۋىنا قولايلى جاعداي قاراستىرىلعان. ماسەلەن، ولار ۇبت تاپسىرۋ ءۇشىن قوسىمشا 40 مينۋتقا ۋاقىت بەرىلەدى. وسى ساناتتاعى ازاماتتار ءۇشىن سىزبا جانە دياگراممالارسىز سۇراقتار جاسالدى»، - دەدى ۆيسە-مينيستر.

18 مامىردا وسى جىلداعى نەگىزگى ۇبت باستالدى جانە ول 5 شىلدەگە دەيىن جالعاسادى.