الماتى قالالىق پوليسيا دەپارتامەنتىنىڭ مالىمەتىنشە، جول اپاتى 15 قازان كۇنى ساعات 15:00 شاماسىندا ءسۇيىنباي داڭعىلىندا بولدى، دەپ حابارلايدى almaty-akshamy.kz
«مەملەكەتتىك ءنومىرى جوق «Audi S-2» ماركالى كولىكتىڭ جۇرگىزۋشىسى ءسۇيىنباي داڭعىلىمەن سولتۇستىك باعىتتا كەلە جاتىپ، № 200 عيماراتقا قاراما-قارسى جەردە جولدى كەسىپ وتپەك بولعان 1997 جىلى تۋعان س. ەسىمدى جاياۋ جۇرگىنشىنى قاعىپ كەتتى. سودان كەيىن ينەرسيامەن قارسى جولاققا شىعىپ، اۆتوبۋس ايالداماسىندا تۇرعان 1996 جىلى تۋعان ا. ەسىمدى جىگىتتى قاقتى. ودان ءارى جارىق باعانى مەن № 204 ءۇيدىڭ قورشاۋىنا سوعىلدى»، - دەدى الماتى قالاسى پد انىقتاۋ ءبولىمىنىڭ باستىعى ولجاس ءشارىپوۆ.
جول اپاتى سالدارىنان س. ەسىمدى 24 جاستاعى قىز وقيعا ورنىندا كوز جۇمدى. ال، ا.ەسىمدى 26 جاستاعى جىگىت الماتىداعى اۋرۋحانالاردىڭ بىرىنە جەتكىزىلدى.
«اتالعان دەرەك بويىنشا ق ر قىلمىستىق كودەكسىنىڭ 345-بابى 3-بولىگى بويىنشا سوتقا دەيىنگى تەرگەۋ باستالدى»، - دەدى پوليسيا وكىلى.