الماتىدا «نيجنيايا پياتيلەتكا» شاعىن اۋدانىندا ينجەنەرلىك جەلىلەردى توسەۋ جۇمىستارى اياقتالدى: 40 كوشەدە جاڭا اسفالت توسەلدى
الماتىنىڭ تۇركسىب اۋدانىندا «نيجنيايا پياتيلەتكا» شاعىن اۋدانىندا سۋمەن جابدىقتاۋ جانە سۋ بۇرۋ جۇيەلەرىن اۋقىمدى قايتا جاڭارتۋ اياقتالدى. جوبا اياسىندا 115 كم سۋ قۇبىرى جانە 32 كم كارىز جەلىلەرى سالىندى، بۇل ۇسىنىلاتىن كوممۋنالدىق قىزمەتتەردىڭ ساپاسىن ەداۋىر جاقسارتۋعا مۇمكىندىك بەرەدى. قازىرگى ۋاقىتتا 40 كوشەدە ينجەنەرلىك كوممۋنيكاسيالار تارتىلعان سوڭ جاڭا اسفالت توسەلگەن. قالعان 11 كوشەدە جەلىلەر قۇرىلىسى اياقتالىپ، جولعا اسفالت توسەلەتىن بولادى.
جوبانىڭ تولىق اياقتالۋى اعىمداعى جىلدىڭ 15 جەلتوقسانىنا جوسپارلانۋدا. بۇل رەتتە مەردىگەر ۇيىم بەس جىل ىشىندە ورىندالعان جۇمىستاردىڭ ساپاسىنا جاۋاپتى بولادى جانە وسى كەزەڭ ىشىندە ءوز ەسەبىنەن كەز كەلگەن زالالدى قالپىنا كەلتىرۋگە مىندەتتەنەدى.
جۇمىستار 51 كوشەنى قامتىدى، ال جاڭارتىلعان ينفراقۇرىلىمعا 4800 ابونەنت قول جەتكىزدى - ولار بۇرىن ورتالىق سۋمەن جابدىقتاۋ جانە كارىز جەلىلەرىنە قوسىلماعان 25 مىڭعا جۋىق تۇرعىن.
«تومەنگى بولىگىنە اسفالت توسەلدى. بەكماحانوۆ كوشەسىنىڭ تومەن جاعى تۇگەل اسفالتتاندى»، - دەپ اتاپ ءوتتى شاعىن اۋدان تۇرعىندارىنىڭ ءبىرى.
«كارىز جۇرگىزىلدى، جاڭا سۋ قۇبىرى جۇرگىزىلدى. بارلىعى ريزا. نيۋانستار بولدى، ءبىراق ءبارى تۇزەتىلدى»، - دەپ تاعى ءبىر جەرگىلىكتى تۇرعىن ريزاشىلىعىن ءبىلدىردى.
بۇرىن شاعىن اۋداننىڭ سۋ قۇبىرى جەلىلەرىنىڭ توزۋى 80% - دان اسىپ، اپاتتاردى جويۋدا قيىندىقتار تۋعىزدى. ەندى وسى اۋداندا تۇراتىن قالا تۇرعىندارى ءۇشىن سۋمەن تۇراقتى جابدىقتاۋ جانە ينفراقۇرىلىم جاقسارتۋ قامتاماسىز ەتىلەدى.
ەستەرىڭىزگە سالا كەتەيىك، وسى پروبلەمالاردى شەشۋ ءۇشىن 2022 جىلى الماتى اكىمى ەربولات دوسايەۆتىڭ تاپسىرماسى بويىنشا تۇركسىب اۋدانىنىڭ «نيجنيايا پياتيلەتكا» ش/ا «كارىز جەلىلەرىن سالۋ جانە سۋ قۇبىرى جەلىلەرىن قايتا جاڭارتۋ» جوباسى بويىنشا قۇرىلىس-مونتاج جۇمىستارى باستالدى. الايدا، جوبادا ەسكەرىلمەگەن جاڭا ابونەنتتەردىڭ انىقتالۋىنا بايلانىستى 2023 جىلى تۇزەتۋلەر ەنگىزىلدى. جۇمىس 2024 جىلدىڭ باسىندا قايتا باستالدى.