الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا 2024 جىلدىڭ ايەلدەردى زورلىق-زومبىلىقتان قورعاۋ جونىندەگى توپتىڭ 10 ايداعى جۇمىسى قورىتىندىلاندى. كەزدەسۋگە «داعدارىس ورتالىقتارى وداعى» زاڭدى تۇلعالار بىرلەستىگىنىڭ باسقارما ءتوراعاسى زۋلفيا بايساكوۆا جانە المالى اۋدانى پوليسيا باسقارماسىنىڭ ايەلدەردى زورلىق-زومبىلىقتان قورعاۋ بولىمشەسىنىڭ اعا ينسپەكتورى، پوليسيا مايورى ايگەريم كۋلاسبەكوۆا قاتىستى، دەپ حابارلايدى aqshamnews.kz
بريفينگ بارىسىندا زۋلفيا بايساكوۆا ايەلدەرگە قاتىستى زورلىق-زومبىلىققا قارسى كۇرەستە كەشەندى ءتاسىلدىڭ ماڭىزدىلىعىن اتاپ ءوتتى.
«ايەلدەرگە قاتىستى زورلىق-زومبىلىقپەن كۇرەسۋ - بۇل قۇقىق قورعاۋ ورگاندارىنىڭ مىندەتى عانا ەمەس، سونىمەن بىرگە قوعامنىڭ جالپى جاۋاپكەرشىلىگى. تۇرمىستىق زورلىق-زومبىلىققا توزبەۋ مادەنيەتىن قالىپتاستىرۋ، وتباسىنىڭ ءرولىن كۇشەيتۋ جانە قيىن ومىرلىك جاعدايلارعا تاپ بولعان ايەلدەردى قولداۋ قاجەت. داعدارىس ورتالىقتارىمەن، ۇكىمەتتىك ەمەس ۇيىمدارمەن جانە مەملەكەتتىك ورگاندارمەن بىرلەسىپ ءبىز زارداپ شەككەندەردىڭ الدىن الۋعا جانە ولارعا كومەك كورسەتۋگە باعىتتالعان بەلسەندى جۇمىستى جالعاستىرامىز»، - دەدى ول.
پوليسيانىڭ مالىمەتىنشە، 2024 جىلدىڭ 10 ايىندا الماتىدا ايەلدەرگە قاتىستى 7705 قىلمىس تىركەلگەن، بۇل وتكەن جىلدىڭ سايكەس كەزەڭىمەن سالىستىرعاندا 8،1% - عا از.
ايگەريم كۋلاسبەكوۆا زورلىق-زومبىلىق دەڭگەيىن تومەندەتۋ ءۇشىن پوليسيانىڭ قابىلداعان شارالارى تۋرالى ايتىپ بەردى.
«بيىل ءبىز وتباسىلىق-تۇرمىستىق زورلىق-زومبىلىقتىڭ الدىن الۋ بويىنشا جۇمىستى كۇشەيتتىك. پروفيلاكتيكالىق ەسەپكە 6800-دەن استام ادام قويىلدى، 6200-دەن استام قورعانىس ۇيعارىمدارى شىعارىلدى. ايتا كەتۋ كەرەك، بۇل شارالار تەك قۇقىق بۇزۋشىلىقتاردىڭ جولىن كەسۋدى عانا ەمەس، سونىمەن بىرگە زارداپ شەككەندەرگە كومەك كورسەتۋدى، سونداي-اق اگرەسسورلارمەن جۇمىس ىستەۋدى دە قامتيدى. «سەرىكتەستىك-تۇرمىستىق زورلىق-زومبىلىقتىڭ الدىن الۋ قۇرالى» پيلوتتىق جوباسى اياسىندا 105 ابيۋزەر پسيحوكوررەكسيالىق باعدارلامالارعا جىبەرىلدى»، - دەدى ا. كۋلاسبەكوۆا.
ءاقپاراتتىق-تۇسىندىرۋ جۇمىستارىنا ەرەكشە كوڭىل بولىنەدى. 2024 جىلى قالانىڭ وقۋ ورىندارى مەن ۇيىمدارىندا 160 ءدارىس، ترەنينگتەر مەن كەزدەسۋلەر وتكىزىلدى، ولارعا 1000-نان استام تۇرعىن قاتىستى. قالالىق بيلبوردتاردا وتباسىلىق زورلىق-زومبىلىقپەن كۇرەسۋگە، سونداي-اق وتباسىلىق قۇندىلىقتاردى ساقتاۋعا شاقىراتىن الەۋمەتتىك روليكتەر مەن ۇراندار بار.
سونىمەن قاتار، ايەلدەردى زورلىق-زومبىلىقتان قورعاۋ جونىندەگى ينسپەكتورلار 776 ايەلگە كونسۋلتاسيالىق كومەك كورسەتتى. داعدارىس ورتالىقتارىنا 150 ايەل جىبەرىلدى، ولاردىڭ 45ء-ى بالالارىمەن بىرگە «جان-سايا» داعدارىس ورتالىعىن پانالادى، 9 ايەل «انالار ءۇيى» باسپاناسىنان قولداۋ تاپتى.
بريفينگتى قورىتىندىلاي كەلە، زۋلفيا بايساكوۆا تۇرمىستىق زورلىق-زومبىلىقپەن كۇرەسۋ ءۇشىن بىرلەسكەن كۇش-جىگەردىڭ قاجەتتىلىگىن اتاپ ءوتتى.
«پروفيلاكتيكانىڭ بارلىق سۋبەكتىلەرىنىڭ — پوليسيادان ازاماتتىق قوعامعا دەيىنگى ۇيلەسىمدى جۇمىسى عانا قىلمىستار سانىن ازايتۋعا جانە ايەلدەر ءۇشىن ءقاۋىپسىز جاعداي جاساۋعا مۇمكىندىك بەرەدى. ءبىزدىڭ بولاشاعىمىز - قۇرمەت پەن تۇسىنىستىككە نەگىزدەلگەن ساۋ وتباسىلار»، - دەدى ول.
الماتىدا تۇرمىستىق زورلىق-زومبىلىقتىڭ الدىن الۋ جونىندەگى جۇمىس ازاماتتىق قوعامدى بەلسەندى تارتۋعا جانە ODARA تاۋەكەلىن باعالاۋ ادىستەمەسىن قوسا العاندا، حالىقارالىق تاجىريبەنى ەنگىزۋگە باسا نازار اۋدارا وتىرىپ جالعاستىرىلاتىن بولادى.
انىقتاما ءۇشىن: «ODARA» – كانادانىڭ ونتاريو قالاسىندا جاسالعان تۇرمىستىق زورلىق-زومبىلىق ءقاۋپىن باعالاۋدىڭ حالىقارالىق قۇرالى (OntarioDomesticAssaultRiskAssessment). اگرەسسوردى قايتا تاربيەلەۋ ماسەلەلەرى ازاماتتىق قوعام وكىلدەرىنە جۇكتەلەدى. وتباسىلىق-تۇرمىستىق زورلىق-زومبىلىق فاكتىلەرى بويىنشا ماسەلەلەردى شەشۋ اگرەسسوردى ءسوزسىز باس بوستاندىعىنان ايىرۋعا ەمەس، ونىڭ تولىققاندى ومىرگە ورالۋىنا جانە جابىرلەنۋشى تاراپپەن تاتۋلاسۋىنا باعىتتالعان.