قازاقستان ۇكىمەتى 2024 جىلعى 20 قاراشاداعى "زاپاستاعى وفيسەرلەردى اسكەري قىزمەتكە شاقىرۋ تۋرالى" قاۋلى قابىلدادى، دەپ حابارلايدى aqshamnews.kz.
"زاڭدا بەلگىلەنگەن تارتىپپەن 2025 جىلى اسكەري قىزمەتكە جارامدى جانە ونى وتەمەگەن زاپاستاعى وفيسەرلەر 24 اي مەرزىمگە اسكەري قىزمەتكە وفيسەرلىك لاۋازىمدارعا شاقىرىلسىن،" — دەلىنگەن قۇجاتتا.
بارلىعى 915 ادام شاقىرىلادى، ونىڭ ىشىندە:
- قازاقستان رەسپۋبليكاسىنىڭ قارۋلى كۇشتەرى، باسقا دا اسكەرلەرى مەن اسكەري قۇرالىمدارى – 700 ادام؛
- قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى – 80 ادام؛
- قازاقستان رەسپۋبليكاسى ىشكى ىستەر مينيسترلىگىنىڭ ۇلتتىق ۇلانى – 131 ادام؛
- قازاقستان رەسپۋبليكاسى توتەنشە جاعدايلار مينيسترلىگى – 4.
قاۋلى 2024 جىلعى 3 جەلتوقساندا كۇشىنە ەنەدى.