كۇدىكتى ينتەرنەت رەسۋرستارىن پايدالانعان
الماتى پوليسياسى نەسيە الاياعىن ۇستادى، دەپ حابارلايدى Almaty-akshamy.kz قالالىق پد-نە سىلتەمە جاساپ.
22 جاستاعى جىگىت «ىسكەر» بولىپ شىقتى.
«تەرگەۋ بارىسىندا كۇدىكتىنىڭ ينتەرنەت-رەسۋرستاردى پايدالانا وتىرىپ، ءارتۇرلى سومادا تاۋارلىق نەسيەلەر راسىمدەگەنى انىقتالدى. قازىرگى ۋاقىتتا ول جاساعان الاياقتىقتىڭ 10 ەپيزودى دالەلدەندى. بۇرىندارى جىگىتتىڭ زاڭمەن قيىندىعى بولعان جوق. بۇل ونىڭ «ءوزىن-وزى جۇمىسپەن قامتۋداعى» جانە الداۋ جوسپارىن جۇزەگە اسىرۋداعى العاشقى قادامدارى. قىلمىستىق زاڭنامادا بۇل قىلمىس ءۇشىن ءۇش جىلدان جەتى جىلعا دەيىن باس بوستاندىعىنان ايىرۋ تۇرىندەگى جازا قاراستىرىلعان»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلحايىر.
ق ر قپك-نىڭ 128 بابىنا سايكەس، ق ر قك-نىڭ 190-بابى 3-بولىگىنىڭ 4-تارماعىندا (بىرنەشە رەت جاسالعان الاياقتىق) كوزدەلگەن قىلمىستىق قۇقىق بۇزۋشىلىقتى جاسادى دەگەن كۇدىكپەن، 1999 جىلى تۋعان ج.ەسىمدى ازامات ۇستالدى. كۇدىكتىگە قاتىستى اۋدانارالىق تەرگەۋ سوتى «قاماۋدا ۇستاۋ» تۇرىندەگى بۇلتارتپاۋ شاراسىن تاڭدادى.