ەكپە سالدىرماعان بالالاردىڭ كوبى كەدەي ەلدەردە تىركەلگەن
دارىگەرلەر الەمدەگى دامۋشى ەلدەردە 10 ميلليونداي بالا جۇقپالى اۋرۋلارعا قارسى ەشقانداي ەكپە سالدىرماعانىن انىقتادى. مۇنداي زەرتتەۋدىڭ ناتيجەسى Lancet Global Health عىلىمي جۋرنالىندا جاريالاندى.
«ەگەر ەكپەنى بالا كەزىندە سالدىرماسا، ادامنىڭ دەنساۋلىعىندا ۇنەمى پروبلەما تۋىنداپ وتىرادى. سوندىقتان ەكپە سالدىرماعان بالالارعا جاھاندىق باقىلاۋ جۇرگىزىلىپ، بۇل ماسەلەنىڭ الدىن الۋ الەمدىك قاۋىمداستىقتىڭ باستى مىندەتىنە اينالۋ كەرەك»،-دەيدى مونرەال ۋنيۆەرسيتەتىنىڭ پروفەسسورى ميرا دجوري.
دجوري مەن ونىڭ ارىپتەستەرى جوبا اياسىندا وسىنداي قورىتىندىعا كەلگەن. ويتكەنى سوڭعى وتىز جىلدا ددۇ، يۋنيسەف جانە ۆاكسينالار مەن يممۋنداۋ جونىندەگى جاھاندىق اليانس (GAVI) كەدەي ەلدەردەگى بالالارعا ۆاكسينا سالىپ كەلەدى جانە ول ءوز تيىمدىلىگىن كورسەتە باستاعان.
عالىمدار زەرتتەۋ جۇرگىزۋ بارىسىندا 1992-2016 جىلدارى ءۇندىستاندا الەۋمەتتىك قىزمەتتەرمەن بالالارعا سالىنعان ۆاكسينا ستاتيستيكاسىن پايدالانعان. وسى ماعلۇماتتى وزگە ەلدەردەگى جاعدايمەن سالىستىرعاندا دارىگەرلەر ءۇندىستاندا ۆاكسينا سالۋدان كەيىن جاعداي اناعۇرلىم جاقسارعانىنا كوز جەتكىزگەن.
سونداي-اق زەرتتەۋ بارىسىندا ءۇندىستان مەن وزگە ەلدەردە بالالارعا مۇلدەم ەكپە سالدىرماۋ جاعدايى تومەندەگەن. 1992 جىلى ول 33% بولسا، 2016 جىلى 10،1%-عا جەتكەن. عالىمداردىڭ ەسەپتەۋىنشە ءقازىر الەمدە 10 ميلليونداي بالا تۋعالى ينفەكسياعا قارسى مۇلدەم ەكپە سالدىرماعان، ونىڭ 2،9 ميلليونى ءۇندىستاندا تۇرادى.
زەرتتەۋشىلەردىڭ ايتۋىنشا، ەكپە الماعان بالالاردىڭ بارلىعى الەۋمەتتىك جاعدايى تومەن، از قامتىلعان وتباسىدان شىققان. ولار اۋرۋدان قورعالىپ قانا قويماي، دۇرىس تاماقتانبايدى دا.