شوب سۋبەكتىلەرىنە كەلتىرىلگەن شىعىندى وتەۋ جونىندەگى ايماقتىق كوميسسيانىڭ 06.02.2022 جىلعى وتىرىسىندا جالپى سوماسى 85،7 ملن تەڭگەگە 39 ءوتىنىم ماقۇلداندى. ونىڭ ىشىندە 8،4 ملن. تەڭگەگە 5 ءوتىنىم بيۋدجەت قاراجاتىنان، «جاڭا الاتاۋ» قايىرىمدىلىق قورى قارجىسىنان 77،3 ملن تەڭگەگە 34 ءوتىنىم وتەلدى، دەپ حابارلايدى اlmaty-akshamy.kz
كوميسسيانىڭ جۇمىسى باستالعاننان بەرى بارلىعى 456،1 ملن تەڭگە سوماعا 260 ءوتىنىم ماقۇلداندى، ونىڭ ىشىندە بيۋدجەت قاراجاتىنان 157،1 ملن تەڭگەگە 108 ءوتىنىم، قور قارجىسىنان 299 ملن تەڭگەگە 152 ءوتىنىم. ءبىرىنشى كەزەكتە 5 ملن تەڭگەگە دەيىنگى تولەم سوماسىمەن ميكرو جانە شاعىن بيزنەستەن تۇسكەن وتىنىمدەر جەدەل قارالۋدا.
ايماقتىق كوميسسيا بيزنەسكە كەلتىرىلگەن شىعىندى وتەۋ جونىندەگى قولدانىستاعى تەتىككە تۇزەتۋلەر ەنگىزۋدى جالعاستىرۋدا. ماسەلەن، ەگەر بۇرىن ايماقتىق كوميسسيانىڭ ۇسىنىسى بويىنشا وتەماقى جەكە اۋديتورلار مەن باعالاۋشىلاردىڭ قىزمەتتەرىنە ارنالعان شىعىنداردى قامتىسا، ەندى سوت ساراپتاماسىن جۇرگىزۋ ءۇشىن بيۋدجەت قارجىسى ەسەبىنەن جەكە ادۆوكاتتارعا ارنالعان شىعىندار دا تولەنۋى مۇمكىن.
«ق ر قىلمىستىق ءىس جۇرگىزۋ كودەكسىنىڭ قولدانىستاعى نورمالارىنا سايكەس سوت ساراپتاماسىن جۇرگىزۋگە ماتەريالداردى دايىنداۋعا تەك تەرگەۋشى عانا ەمەس، ونىڭ سۇراۋى بويىنشا ادۆوكات تا جىبەرىلەدى. قازىرگى كەزدە تەرگەۋشىلەر جۇكتەمەسىنىڭ كوپ ەكەنىن ەسكەرە وتىرىپ، سوت ساراپتاماسىن جۇرگىزۋدى جەدەلدەتۋ جانە وتەماقى تولەمىن الۋ ماقساتىندا ءبىز تارتىپسىزدىك كەزىندە زارداپ شەككەن كاسىپكەرلەرگە جەكە ادۆوكاتتاردىڭ قىزمەتىنە جۇگىنۋدى ۇسىنامىز. ءقازىر كاسىپكەرلەر بۇل قىزمەتتەردى ءوز قارجىسى ەسەبىنەن تولەي الادى، الايدا ءبىز بيۋدجەت قاراجاتى ەسەبىنەن شىعىندى وتەۋگە ادۆوكاتتىق قىزمەتتەرگە ارنالعان شىعىستاردى قوسۋ جونىندە ۇسىنىس ازىرلەپ جاتىرمىز. بۇل شارا زارداپ شەككەن بيزنەسكە مەملەكەتتىك قولداۋ كورسەتۋدى كەڭەيتۋگە جانە قالا ەكونوميكاسىن ودان ءارى قالپىنا كەلتىرۋدى جەدەلدەتۋگە مۇمكىندىك بەرەدى»، - دەپ حابارلادى شوب سۋبەكتىلەرىنە كەلتىرىلگەن زالالدى وتەۋ جونىندەگى ايماقتىق كوميسسيانىڭ ءتوراعاسى، الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين.