مەرزىمدى اسكەري قىزمەتكە شاقىرۋدىڭ كوكتەمگى ناۋقانى تاياپ قالدى
اسكەرگە شاقىرۋ كوميسسيالارىن جەرگىلىكتى جەرلەردە قالالار مەن اۋدان اكىمدەرىنىڭ ورىنباسارلارى باسقارادى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باستىعى ساكەن ءجۇسىپوۆ مالىمدەدى، دەپ حابارلايدى Almaty-akshamy.kz Elorda.info
1 شىلدەگە دەيىن قارۋلى كۇشتەردىڭ، ۇلتتىق قاۋىپسىزدىك كوميتەتى شەكارا قىزمەتىنىڭ جانە ۇلتتىق ۇلاننىڭ قاتارىن 17 مىڭنان استام اسكەرگە شاقىرىلۋشى تولىقتىرادى.
«قولدانىستاعى زاڭعا سايكەس، اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا نەگىزدەرى جوق 18-27 جاسقا دەيىنگى، قازاقستان رەسپۋبليكاسىنىڭ ازاماتتارى مەرزiمدi اسكەري قىزمەتكە شاقىرىلۋعا جاتادى. 2021 جىلعى كوكتەمگى اسكەرگە شاقىرۋدان باستاپ، اسكەرگە شاقىرۋدى كەيىنگە قالدىرۋ نەمەسە ودان بوساتۋ مەملەكەتتىك كورسەتىلەتىن قىزمەتتەر بولىپ تابىلادى. ولار ازاماتتارعا ەلەكتروندىق ۇكىمەت پورتالى ارقىلى كورسەتىلەدى. اتالعان قىزمەتتەردى كورسەتۋگە جەرگىلىكتى اتقارۋشى ورگاندار جاۋاپتى. اسكەرگە شاقىرىلۋشىلاردى حاباردار ەتۋدى SMS-حابارلامالار تاراتۋ، سونداي-اق ءۇي جانە قىزمەتتىك مەكەنجايلارى بويىنشا جەكە شاقىرۋ قاعازدارىن جولداۋ ارقىلى ىسكە اسىرۋ جوسپارلانۋدا. جاس بۋىندى پتر زەرتتەۋى 2 رەت جۇرگىزىلەتىن بولادى: ءبىرىنشىسى – اسكەرگە شاقىرۋ كەزىندە جيىن پۋنكتتەرىندە، ەكىنشىسى – جاس بۋىن اسكەري بولىمدەرگە كەلگەن كەزدە»، - دەدى س.ءجۇسىپوۆ.
دەپارتامەنتى باستىعى نيەت بىلدىرگەن ءاربىر ازامات اسكەرگە شاقىرۋ تۋرالى اقپارات جانە ءوزىن تولعاندىرعان سۇراقتارعا جاۋاپ الا الاتىنىن اتاپ ءوتتى. ول ءۇشىن قورعانىس ىستەرى جونىندەگى دەپارتامەنتتەردە «قارۋلى كۇشتەر – ادالدىق الاڭى» اتتى جوبالىق كەڭسە جۇمىس ىستەيدى، الەۋمەتتىك جەلىلەردە ەلەكتروندىق جاشىكتەر مەن رەسمي اككاۋنتتار اشىلدى.