الماتىدا قالا كۇنىنە وراي 300 مۇمكىندىگى شەكتەۋلى جاندارعا ارنالعان تانىمال تۋريستىك ورىندارعا تەگىن ەكسكۋرسيا ۇيىمداستىرىلدى.
جوباعا قاتىسۋشىلار بوتانيكالىق باققا، “Oi-Qaragai” تاۋلى كۋرورتىنا جانە قازاقستان رەسپۋبليكاسىنىڭ تۇڭعىش پرەزيدەنتى اتىنداعى ساياباققا بارادى، دەپ حابارلايدى Almaty-akshamy.kz.
ايتا كەتەرلىگى، تامىز ايىنىڭ سوڭعى كۇندەرىندە جاڭا وقۋ جىلى قارساڭىندا دا از قامتىلعان جانە كوپ بالالى وتباسىلاردان شىققان 400 بالاعا ، مۇمكىندىگى شەكتەۋلى 300 بالاعا تەگىن دەمالىس ۇيىمداستىرىلدى. حالىقتىڭ الەۋمەتتىك وسال توپتارىنا كىرەتىن تۇلعالار ءتىزىمىن الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى جانە ۇكىمەتتىك ەمەس ۇيىمدارمەن ورىندالعان.
جوبانىڭ ماقساتى - الەۋمەتتىك، جاستار جانە ولكەتانۋ ءتۋريزمىن دامىتۋ. بۇل ەكسكۋرسيالار اعا جانە جاس ۇرپاقتى ساياحاتپەن تانىستىرۋعا باعىتتالعان. نەگىزگى كورىكتى جەرلەرگە ەكسكۋرسيالاردان باسقا، قاتىسۋشىلار كوماندالىق رۋحتى نىعايتۋ جانە تۋريستىك تاجىريبەنى جاقسارتۋ ءۇشىن قىزىقتى سەمينارلاردى ۇيىمداستىردى. ەسكە سالايىق، 2022 جىلى جوباعا زەينەتكەرلىك جاستاعى 500 تۇلعا، از قامتىلعان جانە كوپ بالالى وتباسىلاردان شىققان 250 بالا جانە 200 بالا مەن 150 ەرەسەك مۇگەدەكتەر قاتىستىرىلدى.