قالاداعى شوب نىساندارىنىڭ ىشىندە ازىق-تۇلىك ەمەس دۇكەندەر ەڭ كوپ زارداپ شەكتى. بۇل تۋرالى باقىتجان ساعىنتايەۆتىڭ توراعالىعىمەن وتكەن الماتى قالاسىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا اكىمنىڭ ورىنباسارى ءىلياس وسەروۆ مالىمدەدى، دەپ حابارلايدى اlmaty-akshamy.kz
الماتى اكىمىنىڭ تاپسىرماسى بويىنشا زالالدى باعالاۋ جونىندەگى قالالىق جانە اۋداندىق كوميسسيالار قۇرىلىپ، جۇمىس ىستەپ جاتقانى بەلگىلى. كوميسسيا جۇمىسىنا ءىس جۇزىندە بارلىق قىزمەتتەر مەن ۇيىمدار، سونىڭ ىشىندە «اتامەكەن»، تاۋەلسىز باعالاۋشىلار مەن اۋديتورلار پالاتاسىنىڭ وكىلدەرى تارتىلعان.
الدىن الا دەرەكتەر بويىنشا (14.01.2022 جىلعى جاعداي بويىنشا) مۇلىكتىڭ بارلىق تۇرلەرى بويىنشا زالالدىڭ جالپى سوماسى 112 ملرد تەڭگەدەن استام (~112،6 ملرد)، ونىڭ ىشىندە:
بيزنەس سۋبەكتىلەرى بويىنشا 67 ملرد (شوب – 42 ملرد، ءىرى بيزنەس – 25 ملرد).الماتى اكىمىنىڭ ورىنباسارى اتاپ وتكەندەي، شوب اراسىندا ازىق-تۇلىك ەمەس دۇكەندەر – 20،9 ملرد، ازىق-تۇلىك دۇكەندەرى – 5،7 ملرد، قارۋ-جاراق دۇكەندەرى – 6،4 ملرد، لومباردتار - 2،9 ملرد، قوعامدىق تاماقتانۋ وبەكتىلەرى – 1،8 ملرد جانە ت.ب. زارداپ شەكتى.
قارجى ۇيىمدارى بويىنشا (بانك بولىمشەلەرى، بانكوماتتار) الدىن الا زالال 701،7 ملن قۇرادى، قارجى نارىعىن رەتتەۋ جانە دامىتۋ اگەنتتىگى ەكىنشى دەڭگەيدەگى بانكتەرمەن بىرلەسىپ، زارداپ شەككەن وبەكتىلەر بويىنشا دەرەكتەردى جيناۋدى جالعاستىرۋدا. ءبىز جاقىن كۇندەرى اگەنتتىكتەن مالىمەتتەر الامىز دەپ كۇتۋدەمىز.
ءىرى بيزنەس بويىنشا شىعىن شامامەن 25 ملرد.
بۇدان باسقا، جانار-جاعارماي قۇيۋ بەكەتتەرى 306 ملن تەڭگەگە، باسقا نىساندار – 3،1 ملرد تەڭگەگە زارداپ شەكتى.
«20 اكىمشىلىك عيمارات، پوليسيا دەپارتامەنتىنىڭ 10 بەكەتى، 17 ەكوپوست پەن اۋەجاي عيماراتى بويىنشا شىعىن 22،6 ملرد تەڭگەدەن اسادى»، - دەپ اتاپ ءوتتى الماتى اكىمىنىڭ ورىنباسارى.
اتاپ ايتقاندا، اكىمدىك عيماراتىنىڭ شىعىنى 20 ملرد؛ باس پروكۋراتۋرانىڭ ارنايى ەسەپ باسقارماسىنىڭ عيماراتى 2 ملرد؛ پوليسيا دەپارتامەنتى مەن اۋداندىق باسقارمالاردىڭ عيماراتتارى مەن بەكەتتەرى 205 ملن؛ 162،7 ملن-عا 17 ەكوپوست؛ مەديسينالىق نىساندار – 2،1 ملن جانە ت.ب.