الماتىلىق دارىگەرلەر پاسيەنتتىڭ كەڭىردەگىندە تۇرىپ قالعان سۇيەكتى الىپ شىقتى

قاقالىپ قالىپ، جوتەل تىيىلماسا، دەرەۋ دارىگەرگە جۇگىنگەن ءجون

ورتالىق قالالىق كلينيكالىق اۋرۋحاناعا 5 كۇنگە سوزىلىپ توقتاماعان جوتەل شاعىمىمەن كەلگەن 54 جاسار پاسيەنت جاتقىزىلعان، دەپ حابارلايدى Almaty-aksgamy.kz وقكا باسپا ءسوز قىزمەتىنە سىلتەمە جاساپ.

فۋنكسيونالدىق دياگنوستيكا بولىمشەسىنىڭ مەڭگەرۋشىسى جاسۇلان ەلەمەس ەندوسكوپيالىق تەكسەرىس-برونحوسكوپيا جۇرگىزدى، ناتيجەسىندە كەڭىردەگىندە بوتەن دەنە انىقتالعان. دارىگەر 1-2 سم مولشەرىندەگى بوتەن دەنەنى الىپ تاستادى. بوتەن دەنە سۇيەك بولىپ شىقتى.

«ۋاقىتىندا جۇرگىزىلمەگەن برونحوسكوپيا قابىنعان ىسىك ءتۇيىنى بولىپ، ءىرىڭدى قابىنۋعا اينالىپ كەتۋشى ەدى. پروسەدۋرا ءساتتى ءوتتى، سۇيەك كەڭىردەگىنە زاقىم كەلتىرمەي الىندى»، - دەدى جاسۇلان ەلەمەس.

ناۋقاس ءوز كەزەگىندە دارىگەرلەرگە العىسىن ءبىلدىردى.

«جوتەل مەندە تاماقتانعان كەزدە پايدا بولدى، مەن قاقالىپ قالدىم. سودان جوتەل باتالىپ، توقتاماي قويدى. ەمحاناعا بارىپ، ەمدەۋ كۋرستارىن الا باستادىم. ءبىراق، ول كومەكتەسپەدى. سول سەبەپتى اۋرۋحاناعا بارۋدى شەشتىم. قابىلداۋ بولىمشەسىنە بارعاندا، دارىگەرگە مەنىڭ جوتەلىم ۇنامادى. تەكسەرىس جۇرگىزگەن كەزدە سۇيەكتىڭ بارى انىقتالدى. دارىگەرلەرگە كاسىپكەرلىگى ءۇشىن، دەر كەزىندە دياگنوز قويعانى ءۇشىن العىسىم شەكسىز! سىزدەرگە ۇلكەن راحمەت»! - دەدى پاسيەنت.

دارىگەردىڭ ايتۋىنشا، ەگەر ادام قاقالىپ قالعاننان جوتەلى توقتاماسا، ماماندارعا جۇگىنۋى مىندەتتى.