ءتارتىپ ساقشىلارى نەلىكتەن مۇگەدەكتەردىڭ قوعامدىق كولىككە وتىرۋى قيىنعا سوعاتىنىن تەكسەردى.
بۇل باستامانى قوعام بەلسەندىلەرى كوتەردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«مەن مۇمكىندىگى شەكتەۋلى جانداردىڭ مۇددەسىن قورعايمىن. بۇگىندە قوعامدىق كولىك جۇرگىزۋشىلەرىنە ايالدامادان مۇگەدەكتەردى قالاي الىپ كەتۋ كەرەكتىگى جونىندە كۋرستار وتكىزەمىن. ولار بىزگە كەرى بايلانىسقا شىعىپ، ايالداماعا دەيىن جەتە المايتىن دەرەكتەر دە بار ەكەنىن ايتتى، ويتكەنى جۇرگىزۋشىلەر جول بەلگىلەرى مەن جول قوزعالىسى ەرەجەلەرىنە قاراماستان، كولىكتەرىن جول بويىنا تاستاپ كەتەدى»، – دەدى قوعام قايراتكەرى بوگدان دجەپكا.
پد بىرلەسكەن رەيدتەردىڭ ماقساتى – مۇمكىندىگى شەكتەۋلى ادامدار ءۇشىن قولجەتىمدى ورتانى قالىپتاستىرۋعا قوعامنىڭ نازارىن اۋدارۋ جانە وسى ساناتتاعى جول قوزعالىسىنا قاتىسۋشىلارعا دۇرىس كوزقاراس قاجەتتىگىن، سونداي-اق، ولارعا جولدا تەڭ مۇمكىندىكتەردى قامتاماسىز ەتۋ ەكەنىن ءتۇسىندىردى.
«مەملەكەتىمىزدىڭ الەۋمەتتىك ساياساتىنىڭ باسىم باعىتتارىنىڭ ءبىرى – مۇمكىندىگى شەكتەۋلى جانداردىڭ ماسەلەلەرىن شەشۋ، ولاردىڭ قوعامداعى جاعدايىن جاقسارتۋ. وكىنىشكە وراي، بۇل ەرەجەنى ەلەمەي، كولىكتەرىن تەك مۇگەدەكتەرگە ارنالعان ورىندارعا، سونداي-اق، جول جيەگىنە قوياتىن جاۋاپسىز جۇرگىزۋشىلەر ءالى دە بار، بۇل قوعامدىق كولىكتەردىڭ ايالداماعا جەتۋىن قيىنداتادى. پوليسيا تاراپىنان قۇقىق بۇزۋشىلىقتىڭ جولىن كەسۋ، الدىن الۋ، سونداي-اق وسى ءتۇرىن انىقتاۋ ماقساتىندا شاھار جۇرگىزۋشىلەرىنىڭ ءتارتىبى مەن جاۋاپكەرشىلىك سەزىمىن ارتتىرۋعا ىقپال ەتەتىن ماقساتتى پروفيلاكتيكالىق ءىس-شارالار جۇرگىزىلۋدە»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى داۋلەت سەيىتقۇلوۆ.
الماتىدا جىل باسىنان بەرى مۇگەدەكتەرگە ارنالعان ورىندارعا كولىك قۇرالدارىن زاڭسىز قويۋدىڭ 600-دەن استام دەرەگى انىقتالدى (ق ر اقبك-نىڭ 597-بابى، 4-بولىگى).