ماماندار بۇل ازاماتتارعا قانداي كومەك كورسەتىلەتىنى تۋرالى ايتتى.
قازىرگى ۋاقىتتا قازاقستاندا 150 مىڭنان استام ەستىمەيتىن جانە ناشار ەستيتىن ادام، ال الماتى قالاسىندا ەستۋ قابىلەتى ناشار 10 مىڭنان استام ادام تۇرادى. "Ten Qogam" ەستۋ قابىلەتى بۇزىلعان ادامداردى الەۋمەتتىك قولداۋ ورتالىعىنىڭ باسشىسى امانبيكە ەرعالييەۆا الماتى وڭىرلىك كوممۋنيكاسيالار قىزمەتى الاڭىندا حالىقتىڭ وسى ساناتىنداعى ادامدارعا قانداي كومەك كورسەتىلەتىنى تۋرالى ايتىپ بەردى، دەپ حابارلايدى Almaty-akshamy.kz.
امانبيكە ەرعالييەۆانىڭ ايتۋىنشا، ولار قوعامدا بەيىمدەلۋگە كومەكتەسەدى، پسيحولوگيالىق، قۇقىقتىق قولداۋ كورسەتەدى، تۇرمىستىق، الەۋمەتتىك جانە قارجىلىق داعدىلاردى ۇيرەتەدى.
ەستۋ قابىلەتى بۇزىلعان كوپتەگەن ازاماتتارعا جۇمىس تابۋعا، ءوز ءىسىن اشۋعا كومەكتەسەدى. ادەتتە، بۇل اياق كيىم جوندەۋ شەبەرحانالارى، اتەلە، تاكسي، كيىم دۇكەندەرى، handmade ونىمدەرى، سونىمەن قاتار ولار قۇرىلىس سالاسىندا، كاسسادا قىزمەت كورسەتۋدە، تاۋارلاردى ولشەۋ جانە وراۋدا، باسپاحانالاردا، جاتتىقتىرۋشى بولىپ جالدانادى.
"Ten Qogam" ورتالىعىنا مۇگەدەكتىگى بار بارلىق ادامدار، ونىڭ ىشىندە ولاردىڭ اتا-انالارى مەن جاقىندارى جۇگىنە الادى. ءبىزدىڭ ورتالىقتا الەۋمەتتەنۋگە كومەكتەسەتىن پسيحولوگ كەڭەس بەرەدى"، - دەدى ا.ەرعالييەۆا.
سونداي-اق بريفينگ بارىسىندا رەسپۋبليكا بويىنشا ەستۋ قابىلەتى شەكتەۋلى جاندارعا ارنالعان مامانداندىرىلعان 24 مەكتەپ بار ەكەنى بەلگىلى بولدى. ولاردىڭ ەكەۋى -No1 ارناۋلى تۇزەتۋ مەكتەبى جانە ەستۋ قابىلەتى بۇزىلعان №5 ارنايى تۇزەتۋ مەكتەبى الماتىدا ورنالاسقان. مەكتەپ تۇلەكتەرىنە ارنايى جاعدي جاسالعان، ولاردىڭ ءۇش كوللەدج بەن تۋريزم جانە سپورت اكادەمياسىندا جوعارى جانە ورتا ارناۋلى ءبىلىم الۋعا مۇمكىندىكتەرى بار.
الماتى قالاسىنىڭ وڭىرلىك كوممۋنيكاسيالار قىزمەتىنىڭ حابارلامالارى مەن ماتەريالدارىن تاراتۋ كەزىندە وكق-عا سىلتەمە جاساۋ مىندەتتى.
