جىل باسىنان بەرى ءموبيلدى كولىك جۇرگىزۋشىلەرى 10 مىڭعا جۋىق جول قوزعالىسى ەرەجەسىن بۇزعان.
بۇعان دەيىن الماتى پوليسياسى كوكتەم، جاز مەزگىلىندە، جالپى قالاداعى جول-كولىك وقيعالارىنىڭ جاعدايىنا اسەر ەتەتىن جەكەلەگەن كولىك تۇرلەرىنىڭ قوزعالىسىن قاداعالاۋدى كۇشەيتكەن بولاتىن، دەپ حابارلايدى Almaty-akshamy.kz.
Polisia.kz حابارلاۋىنشا، دەسە دە، موتوسيكل مەن موپەد جۇرگىزۋشىلەرى ەسكەرتۋلەردى قۇلاققا اسار ەمەس، ازاماتتاردىڭ تىنىشتىعىن بۇزۋ فاكتىلەرى كوپتەپ كەزدەسەدى،
«تاجىريبەدە موتوسيكلدەر مەن موپەدتەردىڭ يەلەرىنىڭ تىكەلەي اعىندى قوندىرعىنى قولدانۋى ءجيى كەزدەسەدى، بۇل ازاماتتاردىڭ تىنىشتىعىنا اسەر ەتەدى. اسىرەسە تۇنگى ۋاقىتتا جانە رۇقسات ەتىلمەگەن جارىستاردى ۇيىمداستىرادى، سونداي-اق مانيەۆر جاساۋ جانە جىلدامدىقتى شەكتەۋ ەرەجەلەرىن ورەسكەل بۇزا وتىرىپ، توپتىق ۇيىمداستىرىلماعان قوزعالىستار جاسايدى. بۇل قالا تۇرعىندارى مەن باسقا دا جول قوزعالىسىنا قاتىسۋشىلاردىڭ شاعىمدارىن تۋدىرادى. سونىمەن قاتار، كۇن سايىن دەرلىك ءبىزدىڭ ەسەپتەرىمىزدە موتوكولىكتەردىڭ قاتىسۋىمەن بولعان جول-كولىك وقيعالارىنىڭ قايتالاناتىن دەرەكتەرى تىركەلەدى»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى سەرىك شۋمايەۆ.
سپيكەردىڭ ايتۋىنشا، بالامالى كولىك تۇرلەرىن پايدالاناتىن ادامداردىڭ قۇقىق بۇزۋشىلىقتارىن انىقتاۋ جۇمىستارى كۇشەيتىلدى. ماسەلەن، الدىن الۋ شاراسىنىڭ ءبىر كۇنىندە الدىڭعى شەپتەگى بولىمشەلەر موپەد جانە موتوسيكل جۇرگىزۋشىلەرىنىڭ 60-تان استام جول ەرەجەسىن بۇزۋ دەرەگى انىقتادى. جىل باسىنان بەرى ءموبيلدى كولىك جۇرگىزۋشىلەرى 10 مىڭعا جۋىق جول قوزعالىسى ەرەجەسىن بۇزعان. جالپى ايىپپۇل كولەمى 70 ميلليون تەڭگەدەن استى.
سونداي-اق جەرگىلىكتى پوليسيا قىزمەتىنىڭ مالىمەتىنشە، الماتىدا موپەدتەردىڭ قاتىسۋىمەن 250 جول-كولىك وقيعاسى بولعان. سالدارىنان 10 ادام قازا تاپتى. موپەدتەر مەن موتوسيكل جۇرگىزۋشىلەرىنىڭ قاتىسۋىمەن بولاتىن جول-كولىك وقيعالارىنىڭ نەگىزگى سەبەپتەرى، نەگىزىنەن بەلگىلەنگەن جىلدامدىقتى ساقتاماۋ، قارسى جولاققا شىعۋ، قيىلىستاردان ءوتۋ ەرەجەلەرىن بۇزۋ، مانيەۆر جاساۋ جانە تاعى دا باسقا بۇزۋشىلىقتار.