سينوپتيكتەر 25 شىلدەگە ارنالعان اۋا رايى بولجامىن جاريالادى. ءبىرقاتار وڭىردە اپتاپ ىستىق بولادى، دەپ حابارلايدى Almaty-akshamy.kz.
سينوپتيكتەردىڭ ايتۋىنشا، رەسپۋبليكا بويىنشا جەل كۇشەيەدى، تۇندە جانە تاڭەرتەڭ سولتۇستىكتە تۇمان بولادى.
«كۇندىز جامبىل، قىزىلوردا، تۇركىستان، الماتى، جەتىسۋ، اباي، ۇلىتاۋ، ماڭعىستاۋ، قاراعاندى، اقتوبە، شىعىس قازاقستان وبلىستارىنىڭ وڭتۇستىگىندە 35-43°س قاتتى ىستىق بولادى»، دەلىنگەن «قازگيدرومەت» رمك حابارلاماسىندا.
كۇندىز سولتۇستىكتە، الماتى وبلىسىنىڭ ورتالىعىندا 42°س-عا جەتەتىن ىستىق ساقتالادى، سونىمەن قاتار باتىستا، تۇركىستان وبلىسىنىڭ ءشولدى ايماقتارىندا كۇن 45°س، ۇلىتاۋدىڭ وڭتۇستىگىندە 40°س-قا دەيىن ىستىق بولادى دەپ بولجاندى.
الماتى، تۇركىستان، جامبىل، شىعىس قازاقستان، قاراعاندى، ماڭعىستاۋ، ۇلىتاۋ، جەتىسۋ، اباي وبلىستارىندا، قىزىلوردا وبلىسىنىڭ ورتالىعىندا، شىعىسىندا، پاۆلودار وبلىسىنىڭ وڭتۇستىگىندە، اقتوبە وبلىسىنىڭ ورتالىعىندا، باتىسىندا، اتىراۋ وبلىسىنىڭ سولتۇستىگىندە، اقمولا وبلىسىنىڭ وڭتۇستىگىندە، باتىسىندا توتەنشە ءورت ءقاۋپى بار.
سولتۇستىك قازاقستان، اقمولا وبلىسىندا، اتىراۋ وبلىسىنىڭ باسىم بولىگىندە، قوستاناي وبلىسىنىڭ وڭتۇستىگىندە، ماڭعىستاۋ وبلىسىنىڭ باتىسىندا، سولتۇستىك-شىعىسىندا جوعارى ءورت ءقاۋپى ساقتالادى.