الماتىداعى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا العاش رەت 58 جاستاعى پاسيەنتكە ەندوۆاسكۋليارلىق ءميترالدى قاقپاقشا يمپلانتاسيالاندى، دەپ حابارلايدى Almaty-akshamy.kz.
دارىگەرلەر 58 جاستاعى پاسيەنتتە جۇرە پايدا بولعان جۇرەك اقاۋى، ءميترالدى قاقپاقشانىڭ جەتكىلىكسىزدىگى، جۇرەكتىڭ يشەميالىق اۋرۋى دياگنوزىن قويعان.
بەلگىلى بولعانىنداي، ناۋقاس 3 جىل بۇرىن ميوكارد ينفاركتىسىنە شالدىققان. وعان ءميترالدى قاقپاقشانىڭ پلاستيكاسى، ماماروكورونارلىق جانە اورتوكورونارلىق اۋتوۆەنوزدى شۋنتتاۋ جاسالعان.
ەشقانداي اسەر بولماعاندىقتان، وعان ءميترالدى قاقپاقشانى ترانسكاتەتەرلىك يمپلانتاسيالاۋ (TMVI) ۇسىنىلدى.
ءميترالدى قاقپاقشانى پروتەزدەۋ ءميترالدى ستەنوزدى ەمدەۋدىڭ نەگىزگى ءادىسى. سونداي-اق، يمپلانتاسيالاۋ ءميترالدى قاقپاقشانىڭ جەتكىلىكسىزدىگى - قاقپاقشانىڭ قاندى كەرى وتكىزگەن جاعدايدا جاسالادى.
«ءبىزدىڭ كلينيكادا سوڭعى 3 جىلدا قولقا قاقپاقشاسىن ەندوۆاسكۋليارلى يمپلانتاسيالاۋ (TاVI) بويىنشا جوعارى تەحنولوگيالىق وپەراسيالار ءساتتى جاسالىپ ءجۇر، ال تەحنيكالىق جاعىنان وزىق جانە كۇردەلى وپەراسيالاردىڭ ءبىرى سانالاتىن ءميترالدى قاقپاقشانى ترانسكاتەتەرلىك يمپلانتاسيالاۋدى (TMVI) ءبىز العاش رەت جاسادىق»، - دەيدى كارديولوگيا جانە ىشكى اۋرۋلار عزي باسقارما ءتوراعاسى مارات پاشيموۆ.
رەنتگەنوپەربلوكتىڭ مەڭگەرۋشىسى الەكسەي كولەسنيكوۆتىڭ ايتۋىنشا، ءميترالدى قاقپاقشانىڭ ەندوۆاسكۋليارلىق پروتەزدەۋى - ءميترالدى ستەنوزبەن اۋىراتىن ناۋقاستاردى حيرۋرگيالىق ەمدەۋدىڭ وڭتايلى ءتۇرى، سەبەبى مۇنداي دياگنوزى بار ناۋقاستارعا ءداستۇرلى حيرۋرگيالىق وپەراسيالار جاساعاندا ءولىم ءقاۋپى جوعارى بولادى.
بۇل وپەراسيا ءميترالدى اقاۋى بار قان تامىرلارىنىڭ زاقىمدانۋى، وكپەنىڭ، باۋىردىڭ سوزىلمالى اۋرۋلارى، ەندوكريندىك پاتولوگيا، ونكولوگيا سياقتى كۇردەلى اۋرۋلارعا شالدىققان ناۋقاستارعا كورسەتىلگەن.
«ءميترالدى قاقپاقشانى اۋىستىرۋ ۇلكەن حيرۋرگيالىق كەسۋلەرسىز، جاساندى قان اينالىمى مەن جالپى ناركوزسىز، رەنتگەندىك باقىلاۋمەن ساننىڭ كوكتامىرىن تەسۋ ارقىلى جۇزەگە اسىرىلادى. بۇل تەحنولوگيانىڭ ارتىقشىلىقتارىنىڭ ءبىرى - ءتوس سۇيەگىن ءتىلۋ اسەرلەرىن، ياعني، قان جوعالتۋ، پاسيەنتتىڭ اۋىرسىنۋ سيندرومىنىڭ قارقىندىلىعىن، وپەراسيادان كەيىنگى تىگىسپەن بايلانىستى ينفەكسيا ءقاۋپىن ازايتادى. ەندوۆاسكۋليارلىق تەحنولوگيانى قولدانۋ پاسيەنتتەردىڭ وڭالتۋ كەزەڭىن دە ەداۋىر قىسقارتادى»،- دەيدى ول.
دارىگەر ءقازىر ناۋقاستىڭ جاعدايى جاقسى ەكەنىن اتاپ ءوتتى.