الماتىدا تۇتاس جولاقتى كەسىپ وتكەن پوليسيا كولىگىنە موپەد سوعىلدى.
الەۋمەتتىك جەلىگە شىققان ۆيدەودان تۇتاس جولاقتى كەسىپ وتكەن پوليسيا كولىگىنە موپەدتىڭ سوعىلعانىن كورۋگە بولادى، دەپ حابارلايدى Almaty-akshamy.kz.
جەلىدەگى جازبادا اتالعان ۆيدەونىڭ كوپتەگەن الەۋمەتتىك جەلىنىڭ كانالدارىنان الىپ تاستالعانى جازىلعان.
الماتى قالالىق پوليسيا دەپارتامەنتىنىڭ مالىمەتىنشە، جول اپاتى قالانىڭ جەتىسۋ اۋدانىندا بولعان. شۇعىل شاقىرۋعا شىققان پاترۋلدىك پوليسيا ەكيپاجى الدىن الا جىپىلىقتايتىن شامدار مەن جارىق سيگنالدى داۋىس زورايتقىش قوندىرعىنى قوسىپ، بەلگىلەنگەن ەرەجەلەردى قاتاڭ ساقتاي وتىرىپ، كەرى بۇرىلۋ مانيەۆرىن جاسادى. جول قوزعالىسىنا قاتىسۋشىلار پوليسيا كولىگىنە جول بەرگەن. الايدا، قوعامدىق كولىككە ارنالعان جولمەن كەلە جاتقان موپەد جۇرگىزۋشىسى زاڭ تالابىن ەلەمەي، پاترۋلدىك كولىكپەن سوقتىعىسقان.
«موپەد جۇرگىزۋشىسى مەديسينالىق كومەكتەن باس تارتتى. جول اپاتى فاكتىسى تىركەلدى. «Chevrolet» اۆتوكولىگىنىڭ جۇرگىزۋشىسى جاۋاپقا تارتىلدى. وندىرىستىك ماتەريالدار سوتقا جىبەرىلەتىن بولادى»، - دەپ حابارلادى قالالىق پوليسيا دەپارتامەنتىنىڭ باسپا ءسوز قىزمەتى.