الماتى ەمحانالارىندا «الماتى - ورتاق ءۇيىمىز» ناۋقانى اياسىندا تۇرعىنداردان مەرزىمى ءوتىپ كەتكەن دارى-دارمەكتى قابىلداۋ مەرزىمسىز ناۋقانى باستالدى.
بۇل باستاما مەرزىمى ءوتىپ كەتكەن ءدارىنى دۇرىس كادەگە جاراتۋ جانە ونىڭ قورشاعان ورتاعا تيگىزەتىن اسەرى تۋرالى حالىقتىڭ حاباردارلىعىن ارتتىرۋعا باعىتتالعان.
كوبىمىز مەرزىمى ءوتىپ كەتكەن دارى-دارمەكتى قالاي دۇرىس جويۋ كەرەك ەكەنىن بىلمەي، ۇيدە ساقتاپ جاتامىز. ناتيجەسىندە مۇنداي ءدارى قورشاعان ورتانى لاستاۋ كوزىنە اينالۋى نەمەسە دەنساۋلىققا كەرى اسەر تيگىزۋى مۇمكىن.
بۇل ناۋقان تۇرعىندارعا مەرزىمى ءوتىپ كەتكەن دارى-دارمەكتى ءقاۋىپسىز جويۋعا كومەكتەسۋ ءۇشىن ۇيىمداستىرىلعان. ول ءۇشىن ءار ەمحانادا ارنايى جاشىك ورناتىلعان.
تۇرعىندار مۇنداي جاشىكتەر قاي ەمحانادا ورناتىلعانى تۋرالى اقپاراتتى Almaty.kz سايتىنان الا الادى.
اتالعان جاشىكتەرگە:
- تۇتاس كۇيىندە بليستەردە تابلەتكالاردى؛
- تىعىز بايلانعان پاكەتتە قاپتاماسىز كاپسۋلا تابلەتكالاردى؛
- تىعىز بايلانعان پاكەتتە اناليزگە ارنالعان بانكالاردى؛
- سۇيىقتىعى بار فلاكونداردى: سيروپ، تامشى جانە ت.ب. ەگەر ول اعىپ جاتسا، ونى تىعىز بايلانعان پاكەتتە؛
- تۇتاس جانە قولدانىلعان امپۋلالاردى تىعىز بايلانعان پاكەتتە؛
- جاقپا، گەلدەر، قاقپاعى بولماسا تىعىز بايلانعان پاكەتتە
سالۋعا بولادى.
بەتپەردە، قولعاپ، اياققاپ، شپريس جانە ينەسى بار ينەكسيالىق جۇيەلەر، پايدالانىلعان تاڭعىشتار (جابىسقاق پلاستىر، داكە، ماقتا) قابىلدانبايدى.
ءبىز بارلىق تۇرعىندى وسى باستاماعا قوسىلىپ، سالاۋاتتى جانە تازا قورشاعان ورتانى ساقتاۋعا ۇلەس قوسۋعا شاقىرامىز.
«قازىرگى تاڭدا مەرزىمى وتكەن دارىلەردى قايتا وڭدەۋگە اكەلۋگە بولاتىنىن ايتقىمىز كەلەدى. اكسيا اياسىندا ارنايى جاشىكتەر قاراستىرىلعان. ناۋقان ماقساتى - قورشاعان ورتاعا بەي-جاي قاراماۋ. سوندىقتان ءوز ومىرىزگە ءوزىمىز ۇقىپتى قارايىق»، - دەدى №5 قالالىق ەمحاناسىنىڭ ديرەكتورى ساۋلە تولەگەنوۆا.
سونىمەن بىرگە ناۋقانعا قالا تۇرعىندارى دا بەلسەندى قاتىناسىپ، ءوز ۇلەستەرىن قوسىپ ءجۇر.
«بۇرىن مەرزىمى وتكەن دارى-دارمەكتەرىمدى قايدا وتكىزەتىنىمدى بىلمەي ءجۇر ەدىم. ەندى وسى اكسيانى ەل-جۇرت دارىلەردى ۋتيليزاسيا جىبەرۋ كەرەكتىگىن ءتۇسىنىپ ءبىلىپ جاتىر»، - دەدى قالا تۇرعىنى ايگۇل نايزابەكوۆا.