ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا قوستاناي وبلىسىنا جۇمىس ساپارى بارىسىندا ش. قابىلبايەۆ اتىنداعى ق ر ءىىم قوستاناي اكادەمياسىنىڭ عيماراتىندا ۇيىمداستىرىلعان ەۆاكۋاسيالىق پۋنكتكە باردى. سونداي-اق، ول «سوسنوۆىي بور» شيپاجايىندا ورنالاسقان سۋ تاسقىنىنان زارداپ شەككەندەردىڭ تىنىس تىرشىلىگىمەن تانىستى.
سۆەتلانا جاقىپوۆا جۇمىس ساپارىن ق ر ءىىم قوستاناي اكادەمياسىنداعى ەۆاكۋاسيالىق پۋنكتكە بارۋدان باستادى. مۇندا 31 ادام ۋاقىتشا ورنالاستىرىلعان. سۋ تاسقىنىنان زارداپ شەككەندەرگە بارلىق قاجەتتى مەديسينالىق جانە پسيحولوگيالىق كومەك كورسەتىلۋدە، كۇنىنە ءۇش رەت تاماقتاندىرىلادى، سونداي-اق ادامدار ءبىرىنشى كەزەكتە قاجەتتى قۇرالدارمەن قامتاماسىز ەتىلگەن.
بۇدان كەيىن ەحاقم باسشىسى التىنسارين اۋدانىنداعى «سوسنوۆىي بور» شيپاجايىنا باردى، وندا مۇگەدەكتىگى بار ادامدار، زەينەتكەرلەر جانە تولىق ەمەس وتباسىلاردى قوسا العاندا، سۋ تاسقىنىنان زارداپ شەككەن 23 ادام ورنالاستىرىلعان.
«ەلىمىزدەگى قازىرگى جاعداي كۇردەلى بولىپ وتىر. وسىعان وراي مەملەكەت تابيعي سۋ اپاتىنا قارسى كۇرەس بويىنشا بارلىق قاجەتتى شارالاردى قابىلداۋدا، سونداي-اق زارداپ شەككەندەرگە ءتۇرلى قولداۋ شارالارىن كورسەتۋدە. ەڭبەك جانە حالىقتى الەۋمەتتىك قورعاۋ مينيسترلىگى تج رەجيمى جاريالانعان قالالار مەن اۋدانداردا 5 مىڭ وتباسىنا مەملەكەتتىك ورگاندارعا جۇگىنبەي اتاۋلى الەۋمەتتىك كومەكتى اۆتوماتتى تۇردە تاعايىنداۋدى جۇزەگە اسىردى. سونداي-اق، تج رەجيمىنىڭ قولدانىلۋ كەزەڭىندە بالالاردى قوسا العاندا، 4 مىڭعا جۋىق ادام ءۇشىن مۇگەدەكتىكتى قايتا كۋالاندىرۋ مەرزىمدەرى اۆتوماتتى تۇردە ۇزارتىلدى. مۇگەدەكتىگى بويىنشا جاردەماقى تولەۋ بۇرىن بەلگىلەنگەن توپ بويىنشا جۇزەگە اسىرىلادى. كاسىپوداقتار فەدەراسياسىمەن بىرلەسىپ رەسپۋبليكانىڭ 7 ساناتورييىندە سۋ تاسقىنىنان زارداپ شەككەن الەۋمەتتىك وسال ساناتتارعا جاتاتىن ازاماتتارعا ۋاقىتشا بولۋ جانە ساۋىقتىرۋ مۇمكىندىگى بەرىلدى»، – دەدى سۆەتلانا جاقىپوۆا.
قوستاناي وبلىسى اكىمدىگىنىڭ مالىمەتىنشە، سۋ تاسقىنى كەزىندە وڭىردە 9 114 ادام قۇتقارىلىپ، ەۆاكۋاسيالاندى، ۋاقىتشا ورنالاستىرۋ پۋنكتتەرىندە 181 ادام قونىستانعان.