راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ وقۋ-جاتتىعۋ ورتالىعىندا اسكەرگە شاقىرىلۋشىلاردىڭ انت قابىلداۋ ءراسىمى سالتاناتتى تۇردە ءوتتى.
ساربازدار اسكەري ينستيتۋتتىڭ كۇزەتى مەن قورعانىسىنا جاۋاپ بەرەتىن روتادا قىزمەت ەتەدى. ءبىر ايلىق جاس جاۋىنگەر كۋرسىنان ۇيرەنگەن ولار وتانعا ادال قىزمەت ەتۋگە جانە اسكەري بورىشىن لايىقتى ورىنداۋعا انت بەردى، دەپ حابارلايدى Almaty-akshamy.kz قورعانىس مينيسترلىگىنە سىلتەمە جاساپ.
ءىس-شاراعا ءبىلىم ورداسىنىڭ جەكە قۇرامى، قارۋلى كۇشتەردىڭ ارداگەرلەرى، اسكەرگە قابىلدانعانداردىڭ تۋعان-تۋىستارى قاتىستى.
قۇتتىقتاۋ سوزىندە راديوەلەكترونيكا جانە بايلانىس اسكەري-ينجەنەرلىك ينستيتۋتى باستىعىنىڭ ورىنباسارى پولكوۆنيك ويرات اتىكەنوۆ بۇل وقيعانىڭ جاس ساربازدار ءۇشىن ماڭىزدىلىعىن اتاپ ءوتتى.
– بۇگىن سەندەر اسكەري بورىشتارىڭدى لايىقتى ورىنداۋعا جانە
وتان قورعاۋعا انت بەردىڭدەر. سەندەرگە جاۋىنگەرلىك دايىندىقتا ساتتىلىك تىلەيمىن. اسكەري قىزمەت سەندەردىڭ ومىرلىك جانە كاسىبي جوسپارلارىڭدى جۇزەگە اسىرۋدا سەنىمدى باستاما بولارىنا سەنىمدىمىن، – دەدى ول.
قاتارداعى جاۋىنگەر سانجار يگەن اسكەري قىزمەت تۋرالى بىلاي دەيدى.
– مەن اسكەرگە ءوز ەركىممەن كەلدىم، ويتكەنى بۇل ءوزىمدى شىڭداپ كورۋگە بەرىلگەن جاقسى مۇمكىندىك. بۇل اي وتە قارقىندى ءوتتى، كوپ نارسەنى ۇيرەندىك، جاڭا ورتاعا بەيىمدەلدىك جانە جۇكتەلگەن تاپسىرمالاردى ورىنداۋعا دايىنبىز. مەنىڭشە، ءبىر جىل تەز اق وتەدى"، – دەدى ول.
سالتاناتتى ءراسىمنىڭ سوڭىندا ساربازدار اسكەري ءبولىم قوناقتارىنا قويان-قولتىق ۇرىس ەلەمەنتتەرىن كورسەتتى. سودان كەيىن اسكەري وركەستردىڭ ۇنىمەن ساپتىق الاڭدا الداعى قىزمەتكە ساقاداي ساي ەكەندەرىن كورسەتە سالتاناتتى مارشپەن ءجۇرىپ ءوتتى.