الماتى قالالىق موبيلدىلىك باسقارماسى مەردىگەر ۇيىممەن كەلىسىمشارتتى بۇزۋعا نيەتتى، دەپ حابارلايدى almaty-akshamy.kz
قالالىق موبيلدىلىك باسقارماسى «Dauren Build» جشس-مەن بايزاقوۆ كوشەسىنىڭ تيميريازيەۆ كوشەسىنەن رايىمبەك داڭعىلىنا دەيىنگى بولىگىنە ورتاشا جوندەۋ جۇمىستارىن جۇرگىزۋ بويىنشا تالاپتاردىڭ بۇزىلۋىنا بايلانىستى كەلىسىمشارتتى بۇزۋعا نيەتتى ەكەندىگىن راستايتىن ەسكەرتۋ جولدادى.
قازىرگى كەزدە اتالعان نىسان بويىنشا جوندەۋ جۇمىستارى تاپسىرىس بەرۋشىنىڭ كەلىسىمىنسىز جيىرما كۇننەن استام توقتاتىلعان. باسقارما تاراپىنان جوندەۋ جۇمىستارىن جانداندىرۋ جونىندە بىرنەشە ەسكەرتۋ جولداندى. الايدا مەردىگەر ۇيىم جۇمىستارعا تەك قازان ايىندا قايتا كىرىستى. سوىنمەن قاتار تەحنيكالىق قاداعالاۋ تاراپىنان دە ەسكەرتۋلەر بەرىلگەنمەن، مەردىگەر ۇيىم بۇل قاتەلىكتەردى جوندەمەدى.
بايزاقوۆ كوشەسىنىڭ گوگول كوشەسىنەن رايىمبەك داڭعىلىنا دەيىنگى بولىگىنىڭ بەتكى قاباتى 24 تامىز كۇنى تاپسىرىس بەرۋشىگە ەسكەرتۋسىز ءتيىستى جول بەلگىلەرىمەن بىرگە قىرىپ تاستالدى. وسىلايشا، قازىرگى كەزدە اتالعان كوشەنىڭ اتالعان بولىگى كولىك پەن جاياۋ جۇرگىنشىلەر ءۇشىن ءقاۋىپ تۋىنداتىپ وتىر.
كەلىسىمشارت تالاپتارىنا سايكەس، تاپسىرىس بەرۋشى ەكىنشى تاراپتىڭ ورەسكەل قاتەلىكتەرىنە بايلانىستى كەلىسىمشارتتى بەكىتىلگەن مەرزىمىنەن بۇرىن بۇزۋعا قۇقىلى. كەلىسىمشارت تالاپتارىن بۇزۋدىڭ قاتارىندا تاپسىرىس بەرۋشىنىڭ كەلىسىمىنسىز جۇمىستاردى ون بەس كۇننەن ۇزاق توقتاتۋ دا بار.
جول قاۋىپسىزدىگى مەن قالا تۇرعىندارىنىڭ جايلىلىعىن قامتاماسىز ەتۋ ماقساتىندا باسقارما قولدانىستاعى زاڭناما اياسىندا شارا قولدانادى. مەملەكەتتىك ساتىپ الۋلار تۋرالى زاڭعا سايكەس تاپسىرىس بەرۋشى تاراپىنان كەلىسىمشارتتى ءبىرجاقتى بۇزۋ تۋرالى ەسكەرتۋ جولدانىدى، سونىمەن قاتار ايىپپۇل دا قاراستىرىلعان.
كولىك قوزعالىسىنىڭ جيىلىگىن ەسكەرە وتىرىپ جانە اپاتتىق جاعدايلاردىع الدىن الۋ ماقساتىندا گوگول كوشەسىنەن رايىمبەك داڭعىلىنا دەيىنگى بولىكتىڭ ورتاشا جوندەۋ جۇمىستارىن كاسىپتىڭ الەۋمەتتىك جاۋاپكەرشىلىگى اياسىندا وزگە مەردىگەر ۇيىمدار اياقتايتىن بولادى.
ەسكە سالا كەتەيىك، بيىل ورتاشا جوندەۋ جۇمىستارىن جالپى ۇزىندىعى 200 شاقىرىم جولدا جۇرگىزۋ جوسپارلانعان بولاتىن. قازىرگى كەزدە نەگىزگى ماگيسترالدى كوشەلەر بويىنشا جۇمىستار اياقتالدى. ينجەنەرلىك جەلىلەردى ۇيىمداستىرۋ جۇمىستارى ۋاقتىلى اياقتالعان جاعدايدا، اۋداندىق ماڭىزى بار جولدارداعى جوندەۋ جۇمىستارىن قاراشا ايىنىڭ سوڭىنا دەيىن اياقتاۋ جوسپارلانىپ وتىر. وسىلايشا، اعىمداعى جىلدىڭ قورىتىندىسى بويىنشا جاقسى جانە قاناعاتتانارلىق ساپاداعى جول ۇلەسىن 86%-دان 89%-عا دەيىن جەتكىزۋ كوزدەلىپ وتىر.