بيىل استانا–الماتى، اتىراۋ– استراحان، اقتوبە–قاندىاعاش جانە تالدىقورعان-وسكەمەن اۆتوجولدارىنىڭ بويىندا قوزعالىس تولىق اشىلادى.
بۇل تۋرالى كولىك ءمينيسترى مالىمدەدى، دەپ حابارلايدى Almaty-akshamy.kz.
وتكەن دەمالىس كۇندەرى مارات قارابايەۆ جۇمىس ساپارىمەن اقتوبە، اتىراۋ جانە باتىس قازاقستان وبلىستارىنىڭ ماڭىزدى كولىك ينفراقۇرىلىمى نىساندارىن ارالادى.
سەنبى كۇنى كولىك مينيسترلىگىنىڭ باسشىسى اقتوبە وبلىسىنىڭ تۇرعىندارىمەن كەزدەسۋ وتكىزىپ، ازاماتتاردى جەكە قابىلدادى. سونىمەن بىرگە ءاليا مولداعۇلوۆا اتىنداعى حالىقارالىق اۋەجايدىڭ جانە اقتوبە مەن قاندىاعاش تەمىرجول ۆوكزالدارىنىڭ جۇمىسىمەن تانىسىپ، «اقتوبە-قاندىاعاش» جانە «قاندىاعاش-ماقات» اۆتوجولدارىنداعى قايتا جاڭارتۋ جۇمىستارىنىڭ بارىسىن باعامداپ قايتتى.
سونداي-اق مينيستر جولداردى قايتا قۇرۋ جوبالارىندا كوزدەلگەن 22 جاڭا كوپىر مەن جول وتپەلەرىنىڭ قۇرىلىسىن تەكسەرىپ، مەردىگەر ۇيىمدارمەن بىرنەشە جينالىس وتكىزدى. مارات قارابايەۆ قۇرىلىسشىلارعا جولداردى پايدالانۋعا بەرۋ تۋرالى حالىققا بەرىلگەن ۋادەنى مەرزىمىندە ورىنداۋ كەرەكتىگىن ەسكە سالدى.
جەكسەنبىدە ۆەدومستۆو باسشىسى اتىراۋ وبلىسىنىڭ اكىمشىلىك ورتالىعىن كاسپيي تەڭىزىنىڭ پورتتارىمەن بايلانىستىراتىن «ورال-كاسپيي كانالىندا» بولىپ، اتىراۋ قالاسىنىڭ تەمىر جول بەكەتىنە باردى. سونىمەن قاتار «اتىراۋ-استراحان» اۆتوجولىن قايتا جاڭارتۋ بويىنشا جۇرگىزىلىپ جاتقان جۇمىستاردىڭ بارىسىمەن تانىستى. دۇيسەنبى كۇنى مارات كارىمجان ۇلى باتىس قازاقستان وبلىسىنداعى «كازتالوۆكا–جانىبەك–رف شەكاراسى» جانە «ونەگە–بيسەن–سايقىن»اۆتوجولدارىنداعى كۇردەلى جوندەۋ جۇمىستارىن تەكسەردى.
جۇمىس ساپارىنىڭ قورىتىندىسى بويىنشا كولىك ءمينيسترى ب ا ق وكىلدەرىنىڭ رەسپۋبليكانىڭ كولىك ينفراقۇرىلىمىنىڭ نەگىزگى جوبالارىنداعى جۇمىستاردىڭ اياقتالۋى تۋرالى سۇراقتارىنا جاۋاپ بەردى.
مارات قارابايەۆ ەلىمىزدە بۇرىن-سوڭدى رەكونسترۋكسيا، كۇردەلى جانە ورتاشا جوندەۋ جۇمىستارى جۇرگىزىلگەن 856 شاقىرىم جول پايدالانۋعا بەرىلەتىنىن حابارلادى. ونىڭ ايتۋىنشا، بيىل قۇرىلىس-مونتاجداۋ جۇمىستارىمەن جالپى 11 مىڭ شاقىرىم قامتىلعان.
«حالىق تاراپىنان بىرنەشە اۆتوجول جوباسىنا قاتىستى الاڭداۋشىلىق تۋىنداپ وتىر. ولاردىڭ قاتارىندا، تالدىقورعان-وسكەمەن، استانا-الماتى، اقتوبە-قاندىاعاش جانە اتىراۋ-استراحان جولدارى بار. بيىل اتالعان اۆتوجولداردىڭ بويىندا قوزعالىس تولىق اشىلاتىنىن اتاپ وتكىپ كەلەدى. كەلەسى جىلى بۇل جوبالار تولىعىمەن اياقتالىپ، حالىق يگىلىگىنە پايدالانۋعا بەرىلەدى»، - دەدى مينيسترلىك باسشىسى.
سونداي-اق ول وبلىس تۇرعىندارى ءجيى كوتەرەتىن «ورال-كاسپيي كانالىندا» ءتۇبىن تەرەڭدەتۋ جۇمىستارىن جۇرگىزۋ تۋرالى سۇراققا جاۋاپ بەردى.
«ءبىز وبلىس ورتالىعىنان ءوتىپ جاتقان ورال وزەنىنىڭ كاسپييگە قۇياتىن جەرءىندە جۇمىس جۇرگىزۋىمىز كەرەك. ءتيىستى بيۋدجەتتىك ءوتىنىمدى پرەمەر-مينيستر قولدادى. سوندىقتان ءبىز تەرەڭدەتۋ قاجەت جەرلەردى كورۋگە كەلدىك. ولاردىڭ جالپى ۇزىندىعى 11 شاقىرىمدى قۇرايدى. بيىل جانە كەلەر جىلى اتالعان باسسەيندى سايكەستەندىرۋ بويىنشا ۇلكەن جۇمىستار باستالادى»، - دەدى مينيستر.